Goutum
Agnestsjerke
Agnestsjerke
Emblemen
               
Polityk
Lânflagge fan Nederlân Nederlân
Provinsje Fryslân Fryslân
Gemeente Ljouwert
Sifers
Ynwennertal3.360 (1 jannewaris 2023) [1]
Oerflak1,52 km²
lân: 1,41
wetter 0,11 km²
Befolkingsticht.147 ynw./km²
Oar
TiidsôneUTC +1
SimmertiidUTC +2
Koördinaten53° 10'N 5° 49'E
Offisjele webside
Side goutum.info
Kaart
Goutum (Ljouwert)
Goutum

Goutum is in doarp dat yn de gemeente Ljouwert leit. Goutum leit noardlik fan Wurdum, westlik fan Himpens en Tearns en besuden Ljouwert. De doarpskearn fan Goutum leit om de Buorren.

Goutum hat 3.360 ynwenners (1 jannewaris 2023).

Skiednis

It yn 1882 ôfbrutsen Wiardastate

Goutum wie oarspronklik in terpdoarp mei oan de westkant fan de terp de yn 1882 ôfbrutsen Wiarda State. Yn de 12e iuw waard op de terp de oan Sint-Agnes wijde tsjerke boud. De famylje Burmania hat dêr in grêfkelder. De tsjerke hat in Van Damoargel út 1864. Súdwestlik fan it doarp lei eartiids ek noch de terp Techum, dy't yn de 19e iuw ôfgroeven waard.

Sûnt 1943 leit Goutum yn de gemeente Ljouwert, dêrfoar lei it doarp yn Ljouwerteradiel (sudertrimdiel).

Yn de rin fan de tiid wreide de bebouwing him nei it westen út yn 'e rjochting fan de Oeriselskeleane. Nei it easten is it doarp útwreide oant ticht by de westlike útbuorren fan Tearns. Fral sûnt de jierren 1970 is Goutum bot fan karakter feroare. Troch de oanlis fan Goutum-Noard grinzget de bebouwing tsjintwurdich fuort oan de stêd. Allinnich it Van Harinxmakanaal leit der noch tusken. Yn de iere 21e iuw waard Goutum útwreide mei de wyk Goutum-Súd. Besuden fan it doarpsgebiet wurdt Ljouwert fierder útwreide, sadat it doarp feitlik in stedswyk fan Ljouwert is.

Súdlik fan it doarp leit it âldste krematoarium fan Fryslân, itjinge Goutum de bynamme 'Stoke-city' oplevere.

Goutum is oer it wetter troch de Wurdumer Feart nei it suden mei Wurdum ferbûn. De feart foarmet nei it noarden lykwols gjin ferbining mei it Van Harinxmakanaal. Nei it easten is de Tearnserdyk in ferbining mei Drachtsterwei en fierder nei Suderbuorren, Tearns en Himpens en Wergea.

Wapen

De trije kannen ferwize nei de trije states fan it doarp. De swan is oernommen fan it wapen fan de famylje Wiarda, wylst de kleuren fan it wapen fan Eastergoa stamme.[2]

Mienskip

It lege plak fan de eardere Wiardastate

Alhoewol't Goutum feitlik in stedswyk fan Ljouwert is, hat it noch wol it doarpshûs 'Ien en Mien', in jierliks doarpsfeest en in warbere doarpsferiening mei in grut tal foarsjennings, lykas in boarterstún, in iisbaan en oan de eastlike kant it sportpark Wiarda. Foar oare foarsjennings en foar harren wurk binne de ynwenners rjochte op de stêd of oare plakken.

Tsjerke

De Wikipedy hat ek in side Agnestsjerke.

De PKN-gemeente Goutum makket gebrûk fan de Agnestsjerke yn Goutum en de Martinustsjerke fan Himpens.

Skoalle

  • Yntegraal Bernesintrum Wiarda

Ferienings

  • De Kûle - jongereinsoas
  • Wêz Warber - kuorbal
  • Keatsclub Goutum
  • Iisclub Goutum
  • Tennisclub Goutum
  • Gymnastykferiening
  • Jeugdfûgelwacht
  • Samar Klear - biljerten
  • Krap by Kas - toaniel
  • Goutumer shantykoar
  • Eigen Wijs - frouljuskoar

Berne yn Goutum

Befolkingsferrin

Jier184819131954195919641969197319992001200220032004200520202022
Ynwenners2844525236196486427612.2952.5392.7012.6892.6342.6233.2753.315

Mûnen

De spinnekopmûntsjes

Sawat twa kilometer west fan it doarp steane oan de Swette twa spinnekopmûntsjes; de Mûne Heechlân en de Kramersmole.

Strjitten

Alle strjitten yn Goutum.

Keppeling om utens

Boarnen, noaten en/as referinsjes:
  1. ↑ Alle Cijfers
  2. ↑ Heraldry-wiki, oproppen 14 novimber 2022
 Ljouwert
Stêd:
Ljouwert
Doarpen en útbuorrens:
Alde Leie • Baard • Bears • Britsum • Eagum • Easterlittens • Feinsum • Friens • Goutum • Grou • Idaerd • Hijum • Hilaard • Himpens • Húns • Jellum • Jelsum • Jirnsum • Jorwert • Koarnjum • Lekkum • Leons • Mantgum • Miedum • Reduzum • Snakkerbuorren • Stiens • Swichum • Tearns • Warstiens • Warten • Weidum • Wergea • Wytgaard • Wurdum
Buorskippen:
Abbenwier • Aldskou (foar in part) • Angwier • Baarderbuorren • Bartlehiem (foar in part) • Buerstermûne (foar in part) • Domwier • Finsterbuorren • Fjouwerhûs • Fûns • Goattum • Hesens • De Him • Hoek • It Hoflân • Hoptille • Marwert • Midsbuorren • Naarderbuorren • Noardein • Poelhuzen • Rewert (foar in part) • Skillaerd • Skrins • Suderbuorren • Suorein • It Tichelwurk • De Trije Romers • Truerd • Tsienserbuorren • Tsjaard • Tsjeintgum • Wammert • Westerbuorren • Wielstersyl • Wieuwens
wizigje
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.