Golf fan Biskaje

	Golf fan Biskaje
	geografy
type wetter	rânesee
lokaasje	n. fan it Ibearysk Skiereilân,; w. fan Súd-Frankryk,; s. fan Bretanje
lân	Frankryk; Spanje
koördinaten	45°30′ N, 4°24′ W
ûnderdiel fan	Atlantyske Oseaan
	sifers
maks. lingte	594 km
maks. breedte	511 km
oerflak	223.000 km²
djiptegemiddelde	1.744 m
djipste punt	4.735 m
wetterfolume	389.000 km³
	Satellytfoto mei opljochtsjende algen yn 'e Golf fan Biskaje.

De Golf fan Biskaje (Spaansk: Golfo de Vizcaya, Frânsk: Golfe de Gascogne, Baskysk: Bizkaiko Golkoa) is in seeboezem tusken Frankryk en Spanje dy't him útstrekt fan Bretanje oant de noardkust fan Spanje. De golf is neamd nei de Spaanske provinsje Biskaje.

De golf hie, mei rjocht en reden, de namme by stoarm tige gefaarlik te wêzen. Oan trije kanten is de golf troch lân omsletten, mar oan de westkant komt de folle wyn fan de Atlantyske Oseaan oansetten. Sylskippen dy't ienkear yn de golf wienen koenen by westerstoarm net mear weikomme en waarden troch de Atlantyske wyn nei de legerwâl fan de Frânske kust dreaun.

Skiednis

De namme komt fan de Romeinen yn 'e earste iuw foar Kristus, Sinus Cantabrorum (Oseaan fan Kantabria). Op guon midsiuwske kaarten, wurdt de Golf fan Biskaje ek oantsjut as El Mar del los Vascos (Baskyske Baai).

De kust fan 'e Golf fan Biskaje yn Noard-Spanje.

Op 22 maaie 1703 fûn der in seeslach yn de Golf fan Biskaje plak. In keapfaardijfloat beskerme troch Nederlânske kriichsskippen, ûnder lieding fan kaptein Roemer Vlacq (1637-1703), moete in eskader Frânske kriichsskippen. De Frânske oermacht wie lykwols te grut en de Nederlânske skippen moasten belies jaan.

Wilens de Kâlde Kriich hat de marine fan 'e Sowjetuny dêr faak west. Foar de Sowjets wie de see fan geopolitysk en strategysk belang, sa koene se ienfâldiger by de Atlantyske Oseaan komme.

Geografy

Meidat dielen fan 'e kontinintale plaat fier de baai ynrinne, is it wetter ûndjip, dêr't de wylde seeën it resultaat fan binne. It diel súdlikste diel fan 'e Golf fan Biskaje, krekt foar de Spaanske noardkust is de Kantabryske See.

Rivieren

De wichtichste rivieren dy't útrinne yn 'e Golf fan Biskaje:

Frankryk: Loire, Charente, Garonne, Dordogne, Adour.
Spanje: neamd westwerts : Bidasoa, Oria, Urola , Nervión, Nalón, Pas, Asón, Deva, Miera, Besaya, Nansa, Eo, Sor.

Wichtichste stêden

De wichtichste stêden om 'e Golf fan Biskaje hinne:

Frankryk: Brest, Nantes, La Rochelle, /ordeaux, Bayonne.
Spanje: San Sebastian, Bilbao, Pasaja, Santander, Gijon.

45° 5' NB, 3° 54' WL

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.