| Goaiïngahuzen | ||
 | ||
| Kophalsromp-pleats (1883) | ||
| Emblemen | ||
  | ||
| Polityk | ||
| Lân |  Nederlân | |
| Provinsje |  Fryslân | |
| Gemeente |  Smellingerlân | |
| Sifers | ||
| Ynwennertal | 55 (1 jannewaris 2023)[1] | |
| Oerflak | 8,48 km², wêrfan: - lân: 7,27 km² - wetter: 1,21 km² | |
| Befolkingsticht. | 77 ynw./km² | |
| Oar | ||
| Postkoade | 8497 | |
| Tiidsône | UTC +1 | |
| Simmertiid | UTC +2 | |
| Koördinaten | 53° 4' N 5° 54' E | |
 | ||
| Lokaasje Goaiïngahuzen (grien) yn 'e gemeente Smellingerlân | ||
| Offisjele webside | ||
| FB-side Goaiïngahuzen | ||
| Kaart | ||
  | ||
Goaiïngahuzen is in doarp yn de westpunt fan de gemeente Smellingerlân.
It doarp hat 55 (1 jannewaris 2023)[2] ynwenners.
Skiednis
Goaiïngahuzen waard yn 1573 'Gonyehuisen' neamd. De plaknamme ferwiist mooglik nei in delsetting fan hûzen dy't stifte wie troch it Goinga-skaai. Foar safier bekend bestie Goaiïngahuzen altiten al út wat hûzen en pleatsen sûnder kearn. Yn de 19e iuw wie it in buorskip fan Boarnburgum. Yn 1955 krige Goaiïngahuzen de status fan doarp.[3]
Oan de Peansterdyk stiet in yn 1883 boude kop-hals-romppleats, dy't in eardere pleats nei in brân ferfong. Op dat stee stie al in pleats sûnt de 16e iuw of earder al in hoarnleger. Dat boerehiem hearde by it Smelne-kleaster. Under it gemeentlike monumint sit in grutte molkenkelder ûnder it foarhûs. Eartiids hie de pleats in reidtek. De keldersfinsters mei bopperamen hawwe noch bûgde roeden.
Befolkingsferrin
| Jier | 1959 | 1964 | 1969 | 1973 | 2004 | 2015 | 2020 |
|---|---|---|---|---|---|---|---|
| Ynwenners | 107 | 142 | 127 | 96 | 70 | 60 | 55 |
(Boarnen: 2015 en 2020: Alle Cijfers)
Gea
Yn de omkriten lizze de natuergebieten De Kobbekoai, neamd nei de kobben dy't dêr in soad binne, en it Unlân fan Jelsma. It is yn behear by It Fryske Gea en allinnich op oanfraach tagonklik.
Goaiïngahuzen hat in pear lytse kempings.
Spinnekopmûnen
Oan de Peansterdyk stiet 'De Jansmûne' (De Modden), in spinnekopmûne, dy't earder de polder Van der Veer drûchmealle moast. Wat fierderop oan de dyk steane de mûnen 'Heechhiem', dy't Polder De Boer meallet, en 'De Modderige Bol', dy't Polder Adamse bemealle. Op It Eilân stiet de fjirde spinnekop fan de Goaiïngahuzen, de 'Roekmûne', de grutste spinnekopmûne fan Fryslân.
.jpg.webp)
Heechhiem
De Modderige Bol
De Jansmûne
Roekmûne
Strjitten
It Eilân, Kobbewei, Peansterdyk, Swettewei.
Publikaasje(s)
- Auck Peanstra en Anne Peenstra "Goaiïngahuzen - in machtich plakje"
Sjoch ek
Keppelings om utens
| Boarnen, noaten en/as referinsjes: | ||
|
|
Smellingerlân | |
|---|---|---|
| Doarpen en útbuorrens: Aldegea • Boarnburgum • Drachten • Drachtster Kompenije • De Feanhoop • Goaiïngahuzen • De Houtigehage • Koartehimmen • Nyegea • De Pein • De Rottefalle • Smelle Ie • De Tike • De Wylgen | ||
| Buorskippen: Bûtenstfallaat • Eibertsgeasten • De Folgeren • Galhoeke • De Geasten • De Kletten • De Koai • Luchtenfjild • Middelbuorren • Noarderein • Nijtap • Opperbuorren • Puntpeal • Sânbuorren • Sytebuorren • It Súd • Suderheide • Utein • Wierren | ||
| wizigje | ||