Glenda Jackson
akteur
Glenda Jackson (1971)
persoanlike bysûnderheden
echte namme	Glenda May Jackson
nasjonaliteit	Britsk
berne	9 maaie 1936
berteplak	Birkenhead
stoarn	15 juny 2023
stjerplak	Londen
etnisiteit	Ingelsk
prizen	Oscar 2x, 1969, 1973 Emmy 2x, 1972, 2020 Tony 2018 BAFTA 2x, 1971, 2019 Golden Globe 1973

Glenda May Jackson OBE (Birkenhead, 9 maaie 1936 – Londen, 15 juny 2023) wie in Ingelsk aktrise en politika.

Jackson begûn as aktrise op it toaniel en wie as sadanich fan 1964 ôf fjouwer jier lang ferbûn oan de Royal Shakespeare Company. Yn 1963 makke se har filmdebút yn This Sporting Life. Se bruts troch mei har rol yn de ferfilming fan D.H. Lawrence syn Women in Love (1969), dêr't se in Oscar foar wûn.

Yn 1992 beëinige Jackson har filmkarriêre, omdat se keazen waard as parlemintslid foar Labour. Fan 1997-1999 wie se ûnderminister fan Transport en se hat ek noch besocht om boargemaster fan Londen te wurden.

Nei de ein fan har politike karriêre yn 2015 kaam se werom nei it toaniel. Yn 2018 wûn sy in Tony Award foar har rol yn Edward Albee's Three Tall Women. Dêrmei waard sy ien fan de pear akteurs dy't in Triple Crown of Acting beset hawwe troch it winnen fan sawol in Oscar, in Emmy en in Tony.

Yn 2019 spile se de haadrol yn de Britske telefyzjefilm Elisabeth is missing, wêryn 't de tachtichjierrige en deminte Maud op syk giet nei har ferdwûne bêste freondinne Elisabeth.

Glenda Jackson ferstoar op 15 juny 2023, yn 'e aldens fan 87 jier, nei in koart siikbêd.

Filmografy