Giorgio Napolitano
politikus
Giorgio Napolitano (2006)
Giorgio Napolitano (2006)
echte nammeGiorgio Napolitano
nasjonaliteit Italjaansk
bertedatum29 juny 1925
berteplakNapels
stjerdatum22 septimber 2023
stjerplakRome
partijDemocratici di Sinistra
presidint fan Itaalje
amtsperioade2006-2015
foargongerCarlo Azeglio Ciampi
opfolgerSergio Mattarella

Giorgio Napolitano (29 juny 1925, Napels - 22 septimber 2023, Rome[1]) wie fan 15 maaie 2006 oant 13 jannewaris 2015 de presidint fan Itaalje.

Napolitano studearre rjochten, en wie al foar de Twadde Wrâldoarloch warber yn it kommunistyske ferset tsjin de fassisten fan Benito Mussolini. Under de Dútske besetting focht er yn it ferset. Hy bleau polityk aktyf, en al yn 1953 waard er parlemintslid.

Hy wie lid fan de Kommunistyske Partij fan Italië oant dy opheft waard yn 1991. Hy stipe it Eurokommunisme fan Enrico Berlinguer, en wie ien fan de foaroanmannen by de omfoarming fan de partij ta in sosjaaldemokratyske partij. Ek by it ta-inoar kommen fan oare linkse streamingen hie er grutte fertsjinsten.

Yn syn lettere karriêre wie er ûnder mear minister fan ynlânske saken (1996-1998) en Europarlemintariër (1999-2004). Fan 2005 oant syn ferkiezing as presidint wie Napolitano senator foar it libben yn de Senato della Repubblica. By syn presidintskip is syn senatorskip fersteld.

By syn nijjierstaspraak op 31 desimber 2014 kundige Napolitano oan dat er meikoarten ôftrede soe.[2] Op 14 jannewaris 2015 waard dat ek effektyf. [3][4] Op deselde dei waard senaatsfoarsitter Pietro Grasso beneamd as ynterim-presidint oant op 3 febrewaris 2015 Sergio Mattarella as presidint ynstallearre waard. [5]

Boarnen, noaten en/as referinsjes:
  1. ↑ https://www.repubblica.it/politica/2023/09/22/news/giorgio_napolitano_morto_presidente_repubblica_g-415450210/?ref=RHUO-UO
  2. ↑ Italiaanse President Napolitano kondigt vertrek aan, NU.nl, 31 desimber 2014 (ANP-berjocht)
  3. ↑ President Italië treedt vandaag nog af NU.nl, 13 jannewaris 2015
  4. ↑ Italiaanse president Napolitano formeel afgetreden nu.nl, 14 jannewaris 2015
  5. ↑ de ferkiezing fan de presidint (it) La Stampa, sjoen 25-1-2015
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.