Frits Thors
tillefyzje- en/of radiopersoanlikheid
Frits Thors
persoanlike bysûnderheden
echte namme	Alexander Frederik Paul Thors
nasjonaliteit	Nederlânsk
berne	13 septimber 1909
berteplak	Amsterdam
stoarn	19 april 2014
stjerplak	Laren
wurkpaad
wurksum as	Nijslêzer
medium	Telefyzje Radio
wurksum by	NTS, AVRO, Nederlandsche Omroep, Radio Herrijzend Nederland
jierren aktyf	1928 – 1979

Alexander Frederik Paul (Frits) Thors (Amsterdam, 13 septimber 1909 – Laren, 19 april 2014) wie in Nederlânsk nijslêzer.

Thors wie fral bekend as nijslêzer by it NTS-Sjoernaal fan 1965 oant 1972. Earst wie er de stim op de eftergrûn, letter kaam er yn byld mei syn karakteristike wite hier en swarte bril. Yn 1969 krige er in priis foar syn dúdlike útspraak.

Thors hie doe al in lange karriêre hân as radio-omropper by de AVRO. Hy makke syn mikrofoandebút yn 1928. Yn de Twadde Wrâldkriich wie er ien fan mar in pear omroppers dy't net wurkje woenen foar de lykskeakele Nederlandsche Omroep. Hy waard doe hanneler yn papiertou. Nei de befrijing wurke er foar Radio Herrijzend Nederland, de Nederlânske Seksje fan de BBC, CBC yn Kanada en Radio Nederlân Wrâldomrop. Nei syn tiid as nijslêzer wurke er oan syn pensjoen yn 1979 ta foar AVRO's Radiosjoernaal.

Doe't er 100 jier waard (13 septimber 2009) makke it NOS Sjoernaal in item yn de útstjoering fan 20 oeren. Yn 2012 wie de wilens 103-jierrige Thors ien fan de tolve âld-nijslêzers dy't ynterviewd waarden yn it boek De iconen van het NOS achtuurjournaal fan Babs Assink. Yn april 2013 spriek er yn in fraachpetear oer syn bân mei de Oranjes, benammen dy mei keninginne Beatrix.^[1]

Thors wenne de lêste jierren fan syn libben yn het Rosa Spier Hûs yn Laren. Op it stuit fan syn ferstjerren wie er de âldste man fan Noard-Hollân.

• 
  Frits Thors foar Radio Herrijzend Nederland (1945)
• Frits Thors yntrodusearret inkelde Ingelske radiomeiwurkers en Nederlânske meiwurkers fan Radio Oranje yn 1946