Follow the Money
algemiene ynformaasje
ôfkoartingFTM
nasjonaliteit Nederlânsk
wurkmêdUndersykssjoernalistyk
oprjochte2009
oprjochterEric Smit, Arne van der Wal en Mark Koster
Eric Smit by in presintaasje fan Follow the Money (2012)

Follow the Money (FTM) is in Nederlânske ûnôfhinklike nijswebside foar finansjeel-ekonomyske ûndersykssjoernalistyk fan likernôch tritich sjoernalisten – foar in part yn tsjinstferbân, foar in part freelancers – plus in tal kollumnisten. FTM [ 1 ] docht mei oan ynternasjonale ûndersyksprojekten lykas oer de CumEx-Files en fraude yn it fuotbal. [1][2] It kollektyf publisearret ek in podcast, makke troch Frederique de Jong.

Skiednis

Follow the Money waard ein 2009 oprjochte troch Eric Smit, Mark Koster en Arne van der Wal mei as doel ûndersyk te dwaan nei minsken, organisaasjes en systemen dy 't harren, benammen finansjeel-ekonomysk, misdrage of de mienskip swier neidiel tabringe. De namme is in ferwizing nei de film All the President's Men oer it Watergateskandaal. [3] It medium is 100 persint eigendom fan FTM Media, in besletten fennoatskip dy't beheard wurdt troch de stichting administraasjekantoar FTM Media mei Arne van der Wal en Eric Smit as bestjoerders. Sy hawwe mei-inoar goed 73 persint fan de sertifikaten. [3]

Foar it úteinsetten krige FTM € 180.000 subsydzje fan it Stimuleringsfonds voor de Journalistiek (SVDJ). It platfoarm waard oarspronklik finansiere troch lidmaatskippen en it leverjen fan branded content. Dy lêste metoade waard yn 2014 stopset. Sûnt dy tiid dreau it op lidmaatskippen en alternative finansiering besteande út jeften fan sjaritative ynstellings en fan partikulieren. [4] De webside brûkt in betelmuorre (paywall). Foar in projekt om lêzers mei te lûken (gamification) krige FTM € 37.000 fan it Stimuleringsfonds voor de Journalistiek en it SIDN Fonds yn 2016 en yn 2017 € 50.000 fan Google Digital News Initiative (DNI Fund). [5]

Yn augustus 2021 hie FTM 30.000 beteljende leden.

Teäter

Fiif Follow the Money-meiwurkers, Eelke van Ark, Thomas Bollen, Richard Jong, JanJaap Rijpkema, en Eric Smit, joegen yn 2022 de teäterfoarstelling ' Follow the Money ' ûnder rezjy fan Leopold Witte. Dêrby makken sy ek muzyk; Van Ark spile basgitaar, Bollen gitaar, Rijpkema slachgitaar en sang, Jong drums en Smit sang.

Keppeling om utens

Boarnen, noaten en/as referinsjes:
  1. ↑ Guus Ritzen, ‘Europese bankiers fraudeerden voor miljarden met dividendbelasting’ NRC.nl, 18 oktober 2018. Argifearre op 7 oktober 2022.
  2. ↑ Ook nieuwe FIFA-voorzitter onder vuur: “Infantino stopte omkoopschandaal in doofpot” De Standaard, 15 desimber 2017. Yn't argyf, 30 jannewaris 2023.
  3. 1 2 Over FTM website FTM. Argivearre op 16 april 2023.
  4. ↑ Jana Antonissen, Luyendijk geeft prijs van € 7.500 door aan weldoeners De Morgen, 20 novimber 2015. Argivearre op 17 novimber 2018.
  5. ↑ Frans Oremus, Nieuwe verdienmodellen: heeft Follow the Money zich bewezen? Frank.news, 18 april 2016
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.