Von Richthoven syn tastel

De Fokker Dr.I Dreidecker (trijedekker) wie in Dútske jachtfleanmasine út de Earste Wrâldoarloch, boud troch Fokker. It ûntwerp wie fan Reinhold Platz. De Dr.I waard ferneamd as it tastel fan de Reade Baron, Manfred von Richthofen.

April 1917 waard de Sopwith Trijedekker troch de RNAS yn gebrûk naam. It die bliken dat dy superieur wie foar de jachtfleantugen fan Albatros en Halberstadt oer dy't op dat stuit tsjinnen yn de Dútske loftmacht. Guon fleanmasinefabrikanten doarden in trijedekker te ûntwerpen, wêrfan't allinne de Pfalz Dr.I op lytse skaal produsearre waard.

Fokker andere mei de V.3, dy't swier te bestjoeren wie, sa die bliken. Dêrnei besocht Fokker de V.4. Dat tastel blykte tige manûvrearber en fral ek better as de trjiedekkers fan de oare fabrikanten-gadingmakkers. De rolroeren wiene licht te betsjinjen, mar net sa effektyf. It rjochtingsroer en hichteroer wiene ek licht te hantearjen én blieken goed te funksjonearjen.
It tastel koe tige skerpe bochten meitsje (fral nei rjochts fanwege it gyroskopysk effekt) en koe fluch klimme. Neidielen wiene de stadige dûkflecht en it net sa bêste sweeffermogen. Nei it testen waard fuortendaliks út ein set mei de produksje en de earste tastellen waarden yn oktober 1917 oplevere as Dr.I.

It die bliken dat de trijedekker mear frijwat slimme tekoartkommings hie. Hy wie lang sa fluch net as de alliearde jagers yn krúsflecht en dûkflecht. Hy wie sels sleauwer as de Albatros en Pfalz ferkenners dy'er ferfange moast. De leech-kompressy Oberursal rotaasjemotor ferlear in soad fermogen op grutte hichte. Fierder wie it tastel dreech oan de grûn te setten wêrtroch't in plotte fleanders ferwûne rekken by in mislearre lâning.

Der wiene noch mear strukturele tekoartkommings dat grutte produksjeoarders soene der faaks net komme. Dêrom waard de produksje yn maaie 1918 folslein stillein. Der binne úteinlik mar 320 makke. De bettere Fokker D.VII waard yn gebrûk naam, sadat de oerbleaune Dr.I's fan it front tebeklutsen waarden en dêrnei as les- en ferdigeningstastel brûkt waarden.

Farianten

• V3 - Earste prototype
• V4 - Earste produksjeprototype
• V5 - Utrist mei in Goebel Goe.III motor
• V6 - Gruttere ferzje, mei in Mercedes D.II motor
• V7 - Utrist mei in Siemens-Halske Sh.III motor
• V8 - Fiifdekker (trije fleugels by de noas, dûbeldekker efter de cockpit. Modifikaasje fan de V6.
• V9 - Dûbeldekker mei in Oberursel U.0 motor
• V10 - Utrist mei in Oberursel Ur.III motor

Fergelykber ûntwerp

• Sopwith Camel
• Sopwith Triplane

Technyske feiten

De Dr.1 ferlike mei oare fleantúchtypes ier 1918

Namme	Lân	Motorfermogen	maks. faasje	Startgewicht	Bewapening (masinegew.)	Plafond
Fokker Dr.I		130 HK	160 km/o	585 kg	2	6.500 m
Albatros D.Va		185 HK	187 km/o	937 kg	2	6.250 m
Pfalz D.IIIa		180 HK	181 km/o	834 kg	2	8.000 m
Ö. Aviatik (Berg) D.I	HUN	200 HK	185 km/o	881 kg	1-2	6.220 m
Phönix D.I	HUN	200 HK	180 km/o	805 kg	2	6.000 m
Morane-Saulnier AI	FRA	160 HK	208 km/o	674 kg	2	7.000 m
SPAD S.XIII	FRA	220 HK	222 km/o	820 kg	2	6.650 m
Nieuport 28	FRA	160 HK	195 km/o	740 kg	2	5.200 m
Sopwith Camel		130 HK	185 km/o	659 kg	2 en fjouwer 11,3-kg-bommen	5.791 m
S.E.5a		200 PS	222 km/o	880 kg	2	5.185 m

• 
  Replika Fokker Dr.I, dy't Richthofen by syn lêste aksje fleach. (Deutsches Museum yn München)
• 
  Dr.I replika
• 
  Fokker Dr.I
• 
  De Fokker Dr.I fan ritmaster Freiherr von Richthofen yn april 1918
• 
  Fokker Dr.I fan Lt. Raben
• 
  Fokker Dr.I, Josef Jacobs (48 oerwinnings): de súksesfolste piloat op de Fokker Dr.I

Keppelings om utens

• Fokker DR1.com - Research on the Fokker Dr.I
• Fokker Dr.I Triplane: Germany
• Fokker DR.I - The Aerodrome
• Fokker DR1 Fact Sheet – National Museum of the US Air Force

Wikimedia Commons

Ofbylden dy't by dit ûnderwerp hearre, binne te finen yn de kategory Fokker Dr1 fan Wikimedia Commons.