Fokke Middendorp
skriuwer
persoanlike bysûnderheden
oar pseudonymFokke van Lute
echte nammeFokke Middendorp
nasjonaliteit Nederlânsk
berne1 maaie 1905
berteplakWolvegea (Fryslân)
stoarn21 novimber 2001
stjerplakWolvegea (Fryslân)
etnisiteit Nederlânsk
reg. identiteit Nedersaksysk
wurk
taalNedersaksysk (Stellingwerfsk)
Nederlânsk
sjenrenon-fiksje (folkekunde, geakunde,
skiednis)
útjouwerStellingwarver Schrieversronte
prizenH.J. Bergveld-priis 1996
jierren aktyf<19802001
offisjele webside
n.f.t.

Fokke Middendorp (Wolvegea, 1 maaie 1905 – dêre, 21 novimber 2001) wie in Frysk publisist, dy't yn sawol it Nederlânsk as it Stellingwerfsk folkekundige, geakundige en skiedkundige boeken en artikels skreau oer de Stellingwerven. Hy wurke in soad ûnder de skûlnamme Fokke van Lute.

Libben

Middendorp waard yn 1905 berne yn Wolvegea. Nei't er mei pinsjoen gien wie, sette er útein te skriuwen oer de folkekunde, geakunde, skiednis en ierdrykskunde fan 'e Stellingwerven. Dêrby makke er in protte gebrûk fan it pseudonym Fokke van Lute. Middendorp skreau sawol yn it Nederlânsk as yn syn memmetaal, it Stellingwerfsk.

Syn belangstelling gie benammen út nei syn bertedoarp Wolvegea en nei de gemeente Weststellingwerf. Sa publisearre er yn 1980 it boek Her en Der deur et Oolde Wolvege, en yn 1981, tegearre mei Han Wielick, Van Haule tot Heide: De Volledige Historie van Alle Straten, Wegen, Lanen, Paden en Pleinen in Weststellingwerf.

Yn 1996 krige Middendorp de H.J. Bergveld-priis foar literatuer yn it Stellingwerfsk takend foar Huus op 'e Miente: Et Levensverhael van Batteld Nijhoolt, in bewurking troch him fan 'e autobiografyske ferhalen fan boere-arbeider en komelker Batteld Nijhoolt (berne 1885) fan De Miente, boppe Noardwâlde. Middendorp ferstoar yn 2001 yn syn bertedoarp Wolvegea, yn 'e âlderdom fan 96 jier.

Wurk

  • 1980 – Her en Der deur et Oolde Wolvege (as Fokke van Lute)
  • 1981 – Van Haule tot Heide: De Volledige Historie van Alle Straten, Wegen, Lanen, Paden en Pleinen in Weststellingwerf (mei Han Wielick)
  • 1985 – Na Driemaal Klokkleppinge: De Westhoek
  • 1989 – De Van Harens en Wolvega
  • 1992 – Huus op 'e Miente: Et Levensverhael van Batteld Nijhoolt (ûnder red. fan Fokke Middendorp)
  • 1995 – Fokke van Lute op 'e Tekst over Aant Heida, Jan van Schoot en Johannes Wardenier (as Fokke van Lute)
  • 1997 – Het land van Stellingwerf Toen en Nu in Woord en Beeld
  • 1998 – Weststellingwerf in Vogelvlucht
  • 2006 – Fokke van Lute Vertelt: Verhalen over de Geschiedenis van Weststellingwerf (as Fokke van Lute; mei Ike Naafs-Loman)

Prizen en nominaasjes

Jier Priis Resultaat Kategory Foar
1996 H.J. Bergveld-priis wûn bêste Stellingwerfsktalige boek Huus op 'e Miente: Et Levensverhael van Batteld Nijhoolt
Boarnen, noaten en/as referinsjes:

Foar boarnen en oare literatuer, sjoch ûnder: Bronnen, op dizze side.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.