Flandreau
Flandreau yn 1883.
Flandreau yn 1883.
Polityk
Lân Feriene Steaten
Steat Súd-Dakota
County Moody County
Sifers
Ynwennertal2.318 (2012)
Oerflak5,0 km² (ynkl. wetter)
4,8 km² (allinnich lân)
Befolkingsticht.485,9 / km²
Hichte477 m
Oar
Stifting1869
TiidsôneUTC-6
SimmertiidUTC-5
Koördinaten44°02′52″N 96°35′47″W
Offisjele webside
www.cityofflandreau.com
Kaart
Flandreau yn 1883.
De lizzing fan Flandreau yn Moody County en yn 'e steat Súd-Dakota.

Flandreau (Amerikaansk-Ingelske útspr.: ['flændɹu:], likernôch "flendrûû") is in stêd yn it súdeasten fan 'e Amerikaanske steat Súd-Dakota, en it haadplak fan it omlizzende Moody County. De stêd is sitewearre oan 'e rivier de Grutte Sioux. Neffens in offisjele skatting út 2012 hie Flandreau doe likernôch 2.300 ynwenners. Fuortby it stedsje leit it Flandreau Yndianereservaat.

Skiednis

Flandreau waard stifte yn 1857, en (misstaverjend) ferneamd nei de Yndiaanske agint Charles Eugene Flandrau, dy't letter, doe't er opklommen wie ta de posysje fan rjochter, ûnder de Dakota-Oarloch fan 1862 it stedsje New Ulm, yn Minnesota, fan 'e ûndergong rêde soe. De delsetting Flandreau waard lykwols yn 1858 al wer opjûn, fanwegen de driging fan in wapene konflikt mei de Jankton-Dakota. Tsien jier letter, yn 1869, waard it stedsje fannijs stifte, doe't in stikmannich famyljes fan Eastlike Dakota-etnisiteit harren der nei wenjen setten. De kolonisaasje fan 'e krite troch blanke Amerikanen sette wer útein yn 1872. Doe't Moody it jiers dêrop ta county makke waard, waard Flandreau it haadplak. Yn 1902 krige it de status fan stêd.

Demografy

Neffens gegevens fan 'e folkstelling fan 2010 wie doe fan 'e befolking fan Flandreau 18,6% âlder as 65 jier en 25,9% jonger as 18 jier. Fierders bestie 40,1% fan 'e húshâldings út ien persoan. Neffens âldere sifers, út 2000 libbe doe 12,2% fan 'e befolking ûnder de earmoedegrins. Wat de etnyske opbou fan 'e befolking oangiet, dy wie yn 2010 sa: 60,7% blanken; 27,7% Yndianen; 3,5% Latino's; 2,3% Aziaten; 0,5% swarten; 5,3% oaren of fan mingd etnysk komôf.

Sjoch ek

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.