Filmfestival fan Hollywood Hollywood Film Festival
plak en tiid
lân	Feriene Steaten
steat	Kalifornje
county	Los Angeles County
plak	Los Angeles
holden yn	de wyk Hollywood
tiid fan it jier	oktober
bysûnderheden
ôfkoarting	HFF
soarte evenemint	filmfestival
bestean	1997 – no
oprjochter	Carlos de Abreu en    Janice Pennington
offisjele webside
www.hollywoodfilmfestival.com

It Filmfestival fan Hollywood (Ingelsk: Hollywood Film Festival) is in filmfestival dat elts jier yn oktober holden wurdt yn 'e wyk Hollywood fan 'e Amerikaanske stêd Los Angeles, yn it suden fan 'e steat Kalifornje.

Skiednis

It Filmfestival fan Hollywood waard yn 1997 oprjochte troch skriuwer en filmprodusint Carlos de Abreu en dy syn frou, it model Janice Pennington. It is bedoeld as in platfoarm foar makkers fan ûnôfhinklike films om oansluting te finen by de filmyndustry fan Hollywood.

Struktuer

It Filmfestival fan Hollywood bestiet út in stikmannich seksjes, dy't foarmjûn binne as parallel rinnende filmfestivaltsjes. Dêrby giet it om:

• it Bernefilmfestival fan Hollywood (foar bernefilms)
• it Digitaal Filmfestival fan Hollywood (foar ynternetfilms)
• it Dokumintêrefilmfestival fan Hollywood (foar dokumintêres)
• it Horrorfilmfestival fan Hollywood (foar horrorfilms)
• it Ynternasjonaal Filmfestival fan Hollywood (foar films út it bûtenlân)
• it Koarte Filmfestival fan Hollywood (foar koarte films)
• it Komeedzjefilmfestival fan Hollywood (foar komeedzjefilms)
• it Tekenfilmfestival fan Hollywood (foar tekenfilms)
• it Unôfhinklik Filmfestival fan Hollywood (foar ûnôfhinklike films)
• it Wrâldfilmfestival fan Hollywood (foar ûnôfhinklike films út it bûtenlân)

Keppelings om utens

• (in) Offisjele webside fan it Filmfestival fan Hollywood