Femke de Walle

	Femke de Walle
	tillefyzje- en/of radiopersoanlikheid
	persoanlike bysûnderheden
echte namme	Femke de Walle
nasjonaliteit	Nederlânsk
berne	13 maart 1983
berteplak	Baambrugge (Utert)
etnisiteit	Frysk
	wurkpaad
wurksum as	presintatrise, muzikante
medium	radio
wurksum by	Omrop Fryslân
bekend fan	De Middei fan Fryslân
jierren aktyf	2006 - 2020

Femke de Walle (Baambrugge, 13 maart 1983) is in Frysk presintatrise en muzikante. Se waard yn 1983 út Fryske âlden berne yn Baambrugge, in plak yn it noardwesten fan 'e provinsje Utert, deunby de Finkefeanske Plassen. Se groeide lykwols op yn Fryslân en genoat middelber ûnderwiis op 'e HAFU fan it Kristlik Lauwers Kolleezje yn Bûtenpost. Neitiid studearre De Walle sjoernalistyk oan 'e Hegeskoalle Windesheim yn Swol.

De Walle waard radioferslachjouster en -presintatrise by Omrop Fryslân. Se presintearre it radioprogramma De Middei Fan Fryslân. Dêrnjonken is se ek muzikante (pianiste) en treedt se op mei har suske Elske DeWall. De Walle wennet op De Gordyk mei har man Allan en bern, de twilling Liv en Liam (2013) en Luuk (2017). Yn maart 2020 lei se har wurk by Omrop Fryslân en as muzikante abrupt del om't se skjin ynein wie en har batterij net mear opladen krige. Sels omskreau se it yn in fraachpetear mei de Ljouwerter Krante sa: "Ik rûn mei de bek op 'e grûn."

Keppelings om utens

Boarnen, noaten en/as referinsjes:

Oenema, Rixt, "De bek op 'e grûn", yn: de Ljouwerter Krante, 4 april 2020, s. 5.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.