Slach om Nederlân Part fan de Twadde Wrâldkriich datum: 10 maaie – 14 maaie 1940 (oant en mei 17 maaie yn Seelân) plak: Nederlân útkomst: Dútske oerwinning konfliktpartijen Nederlân Frankryk Feriene Keninkryk Nazy-Dútslân befelhawwers Henri Winkelman Godfried van Voorst tot Voorst Fedor von Bock sterkte 280.000 soldaten 1 tank 145 fleanmasines 750.000 soldaten 759 tanks 830 fleanmasines ferliezen 2.332 dea 271.668 kriichsfinzenen 2.032 dea 2.000 kriichsfinzenen

Ferdigeningslinys yn Nederlân, maaie 1940

De Slach om Nederlân makke diel út fan Fall Gelb, de Dútske ynvaazje fan Nederlân, Belgje, Lúksemboarch en Frankryk yn de Twadde Wrâldkriich. De slach begûn op 10 maaie 1940 mei de ynfal yn Nederlân en einige op 14 maaie nei it bombardemint op Rotterdam. Yn de provinsje Seelân waard lykwols pas op 17 maaie gjin wjerstân mear bean.

Nei it oerweldigjende bombardemint op Rotterdam troch de Luftwaffe drigen de Dútsers noch mear Nederlânske stêden te bombardearjen as de Nederlanners harren net oerjaan soenen. Men wist dat de bommewerpers net tsjin te hâlden wienen, en sa krige it Nederlânske leger al frij gau it befel om de wapens del te lizzen.