| Compton Crook Award | ||
| algemiene ynformaasje | ||
| nasjonaliteit |  Amerikaansk | |
| útrikt foar | bêste Ingelsktalige romandebút fan SF, fantasy of horror | |
| útrikt troch | Baltimore Science Fiction Society | |
| frekwinsje | 1x jiers | |
| datum | ein maaie | |
| plak | Baltimore (Marylân) | |
| 1e útrikking | 1983 | |
| offisjele webside | ||
| www.bsfs.org/bsfsccw | ||
De Compton Crook Award is in Amerikaanske literatuerpriis dy't elts jier oan 'e ein fan maaie útrikt wurdt oan 'e skriuwer fan it bêste Ingelsktalige romandebút fan 'e sjenres science fiction, fantasy of horror. De tawizing en útrikking fan 'e priis wurdt dien troch de leden fan 'e Baltimore Science Fiction Society (BSFS) op harren jierlikse science fiction-konvinsje Balticon, te Baltimore. De earste útrikking fûn plak yn 1983.
De priis is ferneamd nei science fiction-auteur Compton Crook, dy't skreau ûnder it pseudonym Stephen Tall; dêrfandinne dat de priis ek wol bekend stiet as de Compton Crook/Stephen Tall Award. Sûnt 2005 is oan 'e priis in jildbedrach fan $1.000 ferbûn. Under de skriuwers dy't de priis alris wûnen, binne Elizabeth Moon (1989), foar Sheepfarmer's Daughter, E.E. Knight (2004), foar Way of the Wolf en Naomi Novik (2007), foar His Majesty's Dragon. Foar in folsleine list mei winners, sjoch op dizze side, op 'e Ingelske Wikipedy.
Keppelings om utens
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |