Coca-Cola
Lân fan oarsprong	Feriene Steaten
Regio fan oarsprong	Georgia
Type	Cola
Fabrikant	Coca-Cola Company
Op de markt brocht	8 maaie 1886
Kleur	karamel
Farianten	Coca-Cola (1886), Coca-Cola light, Coca‑Cola zero sugar, Coca-Cola zero sugar zero caffeine, Coca-Cola zero sugar raspberry, Coca-Cola cherry, Coca-Cola zero sugar cherry, Coca-Cola vanilla, Coca-Cola zero sugar vanilla, Coca-Cola zero sugar lemon
webside	cocacolanederland.nl coca-colacompany.com
Coca-Cola

Fabryk fan Coca-Cola Canada Ltd yn 1941, Montreal

Coca-Cola is de namme fan in alkoholfrij drinken dat makke is fan sûkersjerp en bestândielen fan kolabeammen, oanfolle mei kafeïne en koalsoergas. Coca-Cola wie it earste Cola-merk. Hjoed-de-dei is Coca-Cola it grutste Cola-merk. De Coca-Cola Company húsmannet yn de Amerikaanske stêd Atlanta, en is de grutste frisdrinkenûndernimming op de wrâld. It 'Coca-Cola logo' is ien fan de bekendste merklogo's en wurdt faak besjoen as it symboal foar de westerske wrâld.

Coca-Cola is útfûn yn 1886 troch de apteker John Pemberton, dy't it drankje as in medisyn en genotmiddel ûntwikkele tsjin ûnder oaren pineholle en wurgens. It idee om it drinken Coca-Cola te neamen komt fan syn sakepartner Frank Robinson. De sierlike letters op de ferpakking fan dit Colamerk binne ek fan Robinson. It logo, de flessen (mei froulike foarmen), de merkstrategy en de drank hawwe der mei-inoar foar soarge dat it merk yn ’e hiele wrâld bekend waard.