Charly Gaul
sporter
Charly Gaul (1959)
persoanlike bysûnderheden
echte namme	Charly Gaul
bynamme	De Ingel fan it Geberchte, Monsieur Pipi
nasjonaliteit	Lúksemboarchsk
bertedatum	8 desimber 1932
berteplak	Lúksemboarch
stjerdatum	6 desimber 2005
stjerplak	Lúksemboarch
lingte	1.73 m
gewicht	64 kg
sportive ynformaasje
sport	Hurdfytsen
ûnderdiel	Dykhurdfytsen, Fjildriden
debút	1953
karriêre-ein	1965
wichtige prestaasjes
Omgong fan Frankryk (1958) (1x), Omgong fan Itaalje (1956, 1959) (2x)

Charly Gaul (Lúksemboarch, 8 desimber 1932 - dêre 6 desimber 2005) wie Lúksemboarchsk hurdfytser, hy wie yn 1958 de winner fan de Omgong fan Frankryk en yn 1956 en 1959 wûn hy de Omgong fan Itaalje.

Gaul waard berne yn Lúksemboarch-Pfaffenthal, in wyk fan de haadstêd. Tusken 1953 en 1965 wie er berops hurdfytser. Neist syn einoerwinning yn 1958 wist Gaul yn 1955 en 1961 in tredde plak yn it einklassemint fan de Tour te beheljen. Yn 1956 en 1959 wûn er it berchklassemint. Ek yn de Omgong fan Itaalje wie er suksesfol. Yn 1956 en 1959 wûn er de Giro en it berchklassmint.

Charly Gaul hie twa bynammen: De Ingel fan it Geberchte, referearjend oan syn klimkapasiteiten, en Monsieur Pipi. De lêste tanke er oan it feit dat er yn 1957 de oerwinning yn'e Giro ferspile troch in plaspauze dy't te lang duorre hie.

Gaul wie seis kear kampioen fan Lúksemboarch op de dyk en boppedat twa kear nasjonaal kampioen fjildriden. Nei syn twadde skieding wied er tige op himsels. Charly Gaul waard keazen ta de Lúksemboarchske Sportman fan de tweintichste iuw.

Charly Gaul ferstoar op 6 desimber 2005, yn 'e âldens fan 72 jier, oan de gefolgen fan in longemboly.

Dielnimming oan grutte omgongen

Charly Gaul om en de by 1962

Ploegen

• 1953-1955 - Terro
• 1956-1958 - Faema
• 1959-1960 - Emi
• 1961-1962 - Gazzola
• 1963 - Peugeot
• 1965 - Lamot-Libertas