Boelguod of buolguod wie in publike ferkeaping. It barde meast by boeren en hat op it plattelân noch lang in grutte betsjutting hân. In boerebuolguod wie in folksfeest. Ek in soad net-keapers, echte buolguodders kamen der op ôf. Der stienen diskes en bytiden wie it in merke yn it lyts. Sintrale figuer wie de notaris. Syn adfertinsjes en ferkeapboekjes fertelle yn in soms wûnderlike taal oer it eardere bedriuw. De opropper spile ek in rol. Om him hinne stienen de strykjildskriuwers. As de buolguodtafel foar de doar kaam betsjutte dat bytiden dat de hiele ynboel by eksekúsje ferkocht waard. Yn in soad Fryske romans, bygelyks by Reinder Brolsma spilet it buolguod in rol.