Bristol Beaufort


Rol (Torpedo)-Bommesmiter
Makker Bristol Aeroplane Company
Untwerper
Earste flecht 15 oktober 1938
Yn tsjinst 1939
Ut tsjinst 1944
Tal makke 1.121 (+700 yn Austraalje) fan 1939 - 1944
Grutste brûkers Royal Australian Air Force, RAF Coastal Command, Fleet Air Arm

De Bristol Beaufort wie in twamotorige torpedobommesmiter, ûntwurpen en producearre troch de Britske fleantúchfabrikant Bristol. It tastel, mei fabryksoantsjutting Type 152, wie yn de Twadde Wrâldoarloch ûnder oaren yn gebrûk by de RAF, Coastal Command en fan 1940 ôf ek by de Royal Navy Fleet Air Arm en de Australyske loftmacht.

Type 152 waard ûntwikkele út de Bristol Blenheim.[1] Sy waarden brûkt as torpedobommesmiter, gewoane bommesmiter en om seeminen te lizzen oant yn 1942,[2] doe't se út aktive tsjinst helle waarden. Dêrnei waarden se brûkt as treningstastellen oant se yn 1945 echt ferâldere wiene.[3] Beauforts waarden ek geregeldwei ynset oan it Mediterane front; Beaufort-squadrons dy't yn Egypte en op Malta stasjonearre wiene holpen mei om in ein te meitsjen oan de befoarrieding fan Rommel syn Deutsches Afrikakorps yn Noard-Afrika.

Beauforts waarden lykwols it meast ynset troch de Royal Australian Air Force by de oarloch yn en om de Pasifyske Oseaanit, dêr't se oant de ein fan de oarloch brûkt waarden. Op seis tastellen nei, waarden de Australyske Beauforts pleatlik ûnder lisinsje makke.

Hoewol't de Beaufort as torpedobommesmiter ûntwurpen waard die er dochs mear tsjinst as konvinsjonele bommesmiter. De Beaufort makke oars mear fleanoeren op treningsflechten as op operasjonele missys en der giene mear tastellen ferlern troch ûngemakken en technysk falen as troch fijanlik fjoer.[4] Mar, út de Beaufort ûntstie wol de tige slagge lange-ôfstâns-jager Beaufighter.

Fan de Beaufort wiene der tsien farianten. It tastel hat ek tsjinne by de loftmachten fan Kanada, Nij-Seelân, Súd-Afrika en Turkije.

Spesifikaasjes

Bristol Beaufort Mk I:
Mjitten en prestaasjes Gegevens
Lingte13,59 m
Fleugelspanwiidte17,63 m
Draachflak fleugels46,73 m²
Hichte3,78 m
Oandriuwingta Bristol Taurus-stjermotors fan 1.146 hk it stik
Maks. faasje418 km/o op 1.830 m hichte
Fleanberik1.666 km
Bemanning4
Tsjinstplafond5.030 m
Gewicht leech5.945 kg
Geewicht fol9.630 kg
Bewapening4 oant 7 7,7-mm-masinegewearen, 680 kg bommen of ien torpedo fan 728 kg

Galery

Literatuer

  • C.H. Barnes: Bristol Aircraft Since 1910. Putnam Aeronautical, Londen 1988, ISBN 0-85177-823-2.
  • Tony Buttler: Bristol Beaufort (Warpaint Series No. 50). Warpaint Books Ltd., Milton Keynes 2000, ISSN X-9999-00501.
  • Tony Buttler: British Secret Projects. Fighters and Bombers 1935–1950. Midland, Hersham 2004, ISBN 1-85780-179-2.
  • William Green: War Planes of the Second World War. Volume Seven: Bombers and Reconnaissance Aircraft. Doubleday and Company, New York 1967.
  • Roger Hayward: Beaufort File. Air-Britain (Historians) Ltd., Tonbridge 1990, ISBN 0-85130-171-1.

Sjoch ek

Besibbe ûntwerpen:

Keppeling om utens

Boarnen, noaten en/as referinsjes:
  1. ↑ Barnes 1988, s. 283.
  2. ↑ Robertson 1976, s. 30.
  3. ↑ Robertson 1976, pp.52-55.
  4. ↑ Robertson 1976 s. 3.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.