Opfeart

De opfeart nei Mitselwier stiet heaks op de Súd Ie, Jouswier op de eftergrûn (2000)

De Seisbierrumer Opfeart

In opfeart is de beneaming foar in feart dy't min ofte mear heaks op in oare feart stiet. De namme komt benammen foar yn Grinslân en Fryslân. In opfeart wurdt ek wol Skipsleat, Skipfeart of Brânsleat neamd. Dy nammen komme ek bûten de beide noardlike provinsjes foar.

Opfearten binne foaral oanlein om de fruchtbere terpgrûn of turf ferfiere te kinnen.

De namme 'brânsleat' ferwiist nei de oare reden om sa'n wetter oan te lizzen: de beskikking hawwe oer genôch bluswetter yn gefal fan brân.

In bulte fan dizze sydtûken hawwe harren funksje ferlern en binne no tichtsmiten.

In pear opfearten

de Cambuurster Opfeart yn Ljouwert
de Eagumer Opfeart by Eagum
de Lekkumer Opfeart by Lekkum
de Mantgummer Opfeart by Mantgum
de Miedumer Opfeart by Miedum
de Offenwierster Opfeart by Snits
de East-Yndyske Opfeart yn Berltsum
de Skipsleat fan de Tsjonger nei Wolvegea
de Eelderskipsleat op it Hoornsediep by Eelde
de Roderwolder Skipsleat en de Peizer Skipsleat, beide op it Peizerdiep by Roderwolde

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.