In biotoop is in gebiet mei in unifoarm lânskipstype dêr't beskate organismen bestean kinne. It wurd komt fan it Grykske βιος, bios, dat "libben" betsjut, en τοπος, topos, "plak", en betsjut dus letterlik "libbensplak". Dit begryp moat net betize wurde mei de besibbe term habitat, dat it spesifike plak binnen in biotoop oantsjut dêr't in organisme libbet. Yn ien biotoop komme dus ferskate habitats foar. Om in foarbyld te jaan: de reinwjirm komt û.m. foar yn it biotoop fan it wâld, dêr't de grûn syn habitat is.