| Eastsee | ||
 | ||
| geografy | ||
| type wetter | binnensee / rânesee | |
| lokaasje | tusken it Skandinavysk Skiereilânen it fêstelân fan Jeropa | |
| lân |  Ålâneilannen (autonoom) Denemark  Dútslân  Estlân  Finlân Letlân  Litouwen  Poalen  Ruslân  Sweden | |
| koördinaten | 58° N, 20° E | |
| ûnderdiel fan | Atlantyske Oseaan | |
| sifers | ||
| maks. lingte | 1.601 km | |
| maks. breedte | 193 km | |
| oerflak | 377.000 km² | |
| djiptegemiddelde | 55 m | |
| djipste punt | 459 m | |
| wetterfolume | 21.700 km³ | |
 | ||
| In satellytfoto fan de Eastsee | ||
De Eastsee (hieltyd faker foutyf de Baltyske See neamd, in anglisisme op basis Baltic Sea) is in see, dy't it Skandinavysk Skiereilân skiedt fan it fêstelân fan Jeropa. De Eastsee is brakker as de Noardsee en de tijferskillen binne lytser. De see bestjit sûnt it 6e milennium f.Kr. Wat de foarm oangiet docht de Eastsee wol wat tinken oan in haadrivier mei sydrivieren (de Finske Golf en de Botnyske Golf). Ut geologysk ûndersyk docht bliken dat hjir yn it Pleistoseen in rivier rûn hawwe moat: de Eridanos.
Begrinzing
Mei de wizers fan de klok mei,
grinzen oan dizze 'binnensee':
- Sweden
- Finlân (mei tusken Sweden en Finlân yn de autonome Ålâneilannen)
- Ruslân (Sint-Petersburch en omkriten)
- Estlân
- Letlân
- Litouwen
- Opnij Ruslân (oblast Kaliningrad)
- Poalen
- Dútslân
- Denemark
Ta de Eastsee yn rommere sin hearre ek de Botnyske Golf, de Finske Golf, de Golf fan Riga en lytsere baaien ('bochten') en haffen de kust fan Dútslân, Poalen, Ruslân en Litouwen bylâns.
Ofwettering en rivieren
Estlân, Letlân, Litouwen en Poalen wetterje foar 100% ôf yn de Eastsee, de oare lannen mar foar in part. Ek Tsjechje, Slowakije, Oekraïne en Wyt-Ruslân wetterje foar in part harren boppewetter yn de Eastsee ôf.
De wichtichste rivieren dy't op de Eastsee ôfwetterje binne de Weichsel yn Poalen, de Oder ticht by de Poolsk-Dútske grins, de Daugava (of Westlike Dwina) yn Letlân en de Neva yn Ruslân.
Havens oan de Eastsee
Gruttte havenplakken fuort- of tichtby de Eastsee binne:
- Stokholm (Sweden)
- Turku (Finlân)
- Helsinki (Finlân, oan de Finske Golf)
- Sint-Petersburch
- Tallinn (Estlân, oan de Finske Golf)
- Riga (Letlân, by de Golf fan Riga)
- Kaliningrad
- Gdansk
- Gdynia (Poalen)
- Szczecin (Poalen)
- Rostock (Dutslân)
- Kiel (Dútslân)
Eilannen yn de Eastsee
De grutste eilânnen yn de Eastsee binne: