| Auke Scholma | ||
 sporter | ||
 | ||
| Auke Scholma | ||
| persoanlike bysûnderheden | ||
| bertedatum | 26 augustus 1956 | |
| berteplak | De Pein | |
| sportive ynformaasje | ||
| sport | Damjen | |
| ekstra | Ytlike kearen Frysk kampioen, provinsjaal kampioen. Ek Ned. kampioen. 5e WK 2007 | |
Auke Scholma (De Pein, 26 augustus 1956) is in Fryske Ynternasjonaal grutmaster damjen, dy't tsjintwurdich yn de Grinslanner Baflo wennet.
Hy groeide as dammer op by Ons Genoegen Drachten en waard as lid fan dy klup Nederlânsk junioarekampioen sneldamjen en Frysk kampioen yn 1975. Dêrnei waard hy lid fan Damklup Huzum yn Ljouwert. As lid fan dy klup waard hy yn 1979 en 1981 wer Frysk kampioen. Hy waard Frysk sneldamkampioen yn 1977, 1979, 1980 en 1981.
Dêrnei ferhuze hy nei Grinslân wêr't hy yn 1991 provinsjaal kampioen waard en yn 1984, 1987, 1995, 2000 en 2002 sneldamkampioen. Hy is lid fan Damferiening Warffum om op dy klup trainingspartijen te spyljen.
Syn earste grutte súkses helle hy yn 1995 mei it winnen fan it Nederlânsk Kampioenskip yn Stadskanaal. Nei de Nederlânske titel bruts in net botte súksesfolle perioade foar him oan dy't hy trochbruts mei it winnen fan it simmertoernoai fan Nymwegen (2001) (syn twadde grutte súkses) wêryn't hy de wrâldtop efter him liet.
Auke einige yn it NK 2006 nei in swiere striid mei de uteinlike kampioen Kees Thijssen op it 3e plak. Yn it NK 2007 einige hy op it tredde plak wêrmei't er him pleatste foar it WK 2007 yn Hardenberg. Dêryn ferraste hy yn positive sin troch op it 5e plak te einigjen (syn tredde grutte súkses) foar de oare Nederlanners, alle Afrikanen en eks-wrâldkampioen Guntis Valneris. Hy fersloech geregeldwei supergrutmasters (Alexei Tsjizjov, Piet Roozenburg, Ton Sijbrands, Harm Wiersma 2x en Alexander Schwartzman), spile yn 2007 syn 23e NK-finale en is in partijproblemist mei orizjinele ideeën. Ek wie hy sekondant fan Sijbrands en Wiersma.
Op 1 july 2008 hie hy in KNDB-Rating fan 1462, hjirmei is hy 30e op de ranglist. Hy hat de titels Ynternasjonaal en Nasjonaal Grutmaster.
Oersjoch resultaten
Tastân 2013: Scholma die totaal 27 kear mei oan it Nederlânsk kampioenskip damjen, mei de folgjende resultaten:
| jier | lokaasje | plak | jier | lokaasje | plak | jier | lokaasje | plak | jier | lokaasje | plak | |||
|---|---|---|---|---|---|---|---|---|---|---|---|---|---|---|
| 1978 | Zevenaar | 10e | 1991 | Drachten | 10e | 2000 | Hengelo | 12e | 2010 | Emmen | 7e | |||
| 1981 | Assen | 7e | 1992 | Surhústerfean | 2e | 2002 | Velp | 5e | 2012 | Heerhugowaard | 5e | |||
| 1983 | Skagen | 3e | 1993 | Apeldoarn | 8e | 2003 | Amsterdam | 6e | 2013 | Stienwyk | 3e | |||
| 1984 | Huissen | 5e | 1994 | Huissen | 10e | 2004 | Huissen | 9e | ||||||
| 1985 | Abcoude | 6e | 1995 | Stedskanaal | 1e | 2005 | Grins | 9e | ||||||
| 1987 | Nijverdal | 7e | 1996 | Stienwyk | 7e | 2006 | Culemborg | 2e | ||||||
| 1988 | Putten | 7e | 1998 | Hoogezand-Sappemeer | 12e | 2007 | Soest | 2e | ||||||
| 1990 | De Helder | 7e | 1999 | Huissen | 6e | 2008 | Emmeloard | 9e |
Tastân 2013: Scholma die totaal 5 kear mei oan it Jeropeesk kampioenskip damjen, mei de folgjende resultaten:
| jier | lokaasje | plak |
|---|---|---|
| 1983 | Dimter | 4e |
| 1995 | Lubliniec | 9e |
| 2002 | Domburch | 7e |
| 2006 | Bovec | 25e |
| 2012 | Emmen | 30e |
| - |
Tastân 2013: Scholma die totaal 3 kear mei oan it Wrâldkampioenskip damjen, mei de folgjende resultaten:
| jier | lokaasje | plak |
|---|---|---|
| 1984 | Dakar | 11e |
| 1992 | Toulon | 13e |
| 2007 | Hardenberg | 5e |
| - | ||
| - |