Atje Keulen-Deelstra

	Atje Keulen-Deelstra
	sporter
	Atje Keulen-Deelstra yn aksje op de 1500 meter, Dimter 1972
	persoanlike bysûnderheden
bynamme	Us Atsje
nasjonaliteit	Nederlânsk
bertedatum	31 desimber 1938
berteplak	Grou
stjerdatum	22 febrewaris 2013
stjerplak	Ljouwert
etnisiteit	Frysk
lingte	168 sm
gewicht	60 kg
	sportive ynformaasje
sport	reedriden
ûnderdiel	Koartebaan, Langebaan, Maratonriden
earste titel	1969 NK Koartebaan
O.S.	Sapporo 1972
debút	1963
karriêre-ein	1980
ekstra	Yn 1999 útroppen ta Frysk Sporter fan de 20ste iuw
	wichtige prestaasjes
	yn 1970 in wrâldrekôr op de 1500 meter: 2.17,2

Atje Deelstra, 22 jier, noch net op noren (1961)

Atje Keulen-Deelstra (Grou, 31 desimber 1938 - Ljouwert, 22 febrewaris 2013), ek wol Us Atsje neamd, is ien fan de ferneamdste Fryske reedrydsters. Se troude mei de Jirnsummer boer Jelle Keulen. Se krigen trije bern wêrfan't de jongste, Boukje ek yn wedstrydferbân reedriden hat, mar dêryn minder suksesfol wie as har mem. Fan de beide soannen Kees en Goos helle dy lêste in beskieden sukses as keatser troch yn 1983 mei syn maten foar Jirnsum in 4e priis op de Freulepartij yn Wommels te winnen.

Yn it begjin fan de santiger jierren fan de 20e iuw helle Atsje har grutte suksessen. Se soe 4 kear Wrâldkampioene en 3 kear nûmer ien op in Europeesk kampioenskip wurde. Dêrneist waard se ferskate kearen Nederlânsk kampioene en wie se in betûft koartebaanrydster, sa waard hja op har 16e famkeskampioene fan Fryslân. Op de Olympyske Winterspullen 1972 yn Sapporo wûn Keulen-Deelstra in sulveren en twa brûnzen medaljes. Keulen-Deelstra waard yn 1970 ferkeazen ta Sportfrou fan it jier.

Yn 1997 ried hja inkele wiken nei't hja ferwûne rekke wie by in ferkearsûngemak noch de Alvestêdetocht.

Grutste suksessen

Wrâldkampioene:

Europeesk kampioene:

Op 14 maart 1970 ried se in wrâldrekôr op de 1500 meter: 2.17,2.

De Alvestêdetocht lei se sawol op redens, fytsend as rinnend ôf.

Resultaten (rest)

jier	NK Allround	EK Allround	WK Allround	WK Sprint	Olympyske Spullen
1969	7e
1970		4e
1971		4e	NS2	4e
1972				4e	6e 500m 1000m 1500m 3000m
1973
1974

NS = net start op twadde ôfstân

Literatuerlist

Bijlsma, Hedman, Tom Dekkers, Arie van Erk e.a. (1997) Schaatsseizoen '96-'97: 25e Jaargang 1996-1997, statistische terugblik Stichting Schaatsseizoen, Assen
Eng, Trond (2002) All Time International Championships, Complete Results: 1889 - 2002 WSSSA-Skøytenytt, Askim
Eyle, Wim van (1982) Een Eeuw Nederlandse Schaatssport Het Spectrum, Utert
Fear, Ypk Fan der (1974) Us Atsje . Alternatyf, Bûtenpost
Koomen, Theo (1971) 10 Jaar Topschaatsen Luitingh, Laren (Noard-Hollân)
Koomen, Theo (1972) Topschaatsen 1972 Luitingh, Laren (Noard-Hollâ)
Koomen, Theo (1973) Topschaatsen 3 Luitingh, Laren (Noard-Hollân)
Kleine, Jan (1968) Schaatsjaarboek 1968/69, alles over het hardrijden op de lange baan Dico, Amsterdam
Kleine, Jan (1969) Schaatsjaarboek 1969-'70, alles over het hardrijden op de lange baan Dico, Amsterdam
Kleine, Jan (1970) Schaatsjaarboek 1970-'71, alles over het hardrijden op de lange baan Nymwegen
Kleine, Jan (1971) Schaatsjaarboek 1971-'72, alles over het hardrijden op de lange baan Nymwegen
Maaskant, Piet (1970) Atje Keulen-Deelstra vertelt exclusief haar story La Rivière & Voorhoeve, Swol
Maaskant, Piet (1970) Heya, Heya! Het nieuwe boek van de Schaatssport La Rivière & Voorhoeve, Swol
Peereboom, Klaas (1972) Van Jaap Eden tot Ard Schenk De Boekerij, Baarn
Teigen, Magne (1989) Komplette Resultater Internasjonale Mesterskap 1889 - 1989: Menn/Kvinner, Senior/Junior, allround/sprint. Veggli, Noarwegen: WSSSA-Skøytenytt (Noarsk)
Witkamp, Anton (1972) (redaksje Dolf Koning) Schaatsgoud '72 Teleboek NV, Bussum

Keppelings om utens

Ofbylden dy't by dit ûnderwerp hearre, binne te finen yn de kategory Atje Keulen-Deelstra fan Wikimedia Commons.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.