6 april is de 96e dei fan it jier op de Gregoriaanske kalinder (yn in skrikkeljier de 97e). Der folgje noch 269 dagen oan 'e ein fan it jier ta.

Foarfallen

• 402 – Yn 'e Slach by Pollentia ferslacht it Westromeinske leger ûnder lieding fan Stilicho de Fisigoaten.
• 1127 - Brugge kriget stedsrjochten fan Willem Klito, de greve fan Flaanderen.
• 1199 - Jan sûnder Lân wurdt kening fan Ingelân nei't syn broer Richard Liuwehert stjert oan 'e gefolgen fan ferwûnings oprûn by de oanfal op Châlus-Chabrol, yn súdlik Frankryk.
• 1320 - De Ferklearring fan Arbroath, de earste ûnôfhinklikheidsferklearring út 'e dokumintearre skiednis, wurdt troch de Skotten opstjoerd oan paus Jehannes XXII.
• 1572 - De Siuwske stêd Flissingen slút him oan by de Nederlânske Opstân tsjin 'e Spanjerts.
• 1652 - Jan van Riebeeck, in skipsdokter yn 'e tsjinst fan 'e VOC, stiftet in ferfarskingsstasjon op 'e Kaap de Goeie Hope. Dat is it ierste oanbegjin fan 'e Kaapkoloanje, dy't him úteinlik ûntjaan sil ta moderne Súd-Afrika.
• 1667 - De stêd Dubrovnik (Ragûsa) en omkriten wurde troffen troch de swiere ierdbeving fan Dubrovnik. Yn 'e mande mei de oanhâldende ekonomyske krisis yn it Middellânske-Seegebiet foarmet dit barren it begjin fan 'e ein foar de Republyk Ragûsa.
• 1814 - Ein fan de 1e regearperioade fan Napoleon Bonaparte as keizer fan Frankryk.
• 1896 - Iepening fan 'e earste moderne Olympyske Spullen, yn Atene.
• 1909 - De Amerikaanske admiraal Robert Peary berikt nei eigen sizzen as earste de Noardpoal.
• 1945 - Keningsbergen (Kaliningrad) falt in Russyske hannen.
• 1963 - De NV Nederlânske Gasuny wurdt oprjochte.
• 1965 - Fan Cape Kennedy ôf wurdt Early Bird lansearre, de earste kommersjele tillekommunikaasje-satellyt.

Berne

• 1483 - Rafael (Rafael Santi), Italjaansk keunstskilder († 1520)
• 1498 - Giovanni dalla Bande Nere (Giovanni de' Medici), Italjaansk hierling († 1526)
• 1581 - Hans Willem fan Randwijck, Frysk legerofsier († 1629)
• 1745 - Thomas Peters, earste persoan op 'e wrâld âlder as 110 jier (Frysk rekôrhâlder) († 1857)
• 1765 - Karel Feliks fan Sardynje, kening fan Sardynje († 1831)
• 1890 - Anthony Fokker, Nederlânsk fleantúchbouwer († 1939)
• 1903 - Wytze Brandsma, Frysk letterkundige († 1987)
• 1920 - Meinte Walta, Frysk byldzjend keunstner († 2002)
• 1923 - Marten van der Leest, Frysk keatser († 2008)
• 1934 - Anton Geesink, Nederlânsk judoka en sportbestjoerder († 2010)
• 1940 - Henk Gemser, Frysk reedrydtrener en sportbestjoerder
• 1942 - Cees den Heyer, Nederlânsk teoloog († 2021)
• 1960 - Eric Hoekstra, Frysk taalkundige, skriuwer en útjouwer
• 1962 - Annejet van der Zijl, Frysk skriuwster en historika
• 1965 - Yvette Bova, Amerikaansk bodybuildster en pornoaktrise
• 1995 - Antoinette de Jong Frysk reedrydster
• 1998 - Peyton List, Amerikaansk aktrise, model en presintatrise

Ferstoarn

• 1528 - Albrecht Dürer, Dútsk keunstskilder (* 1471)
• 1971 - Igor Stravinsky, Russysk-Frânsk-Amerikaansk komponist (* 1882)
• 1974 - Willem Dudok, Nederlânsk arsjitekt (* 1884)
• 1992 - Isaac Asimov, Amerikaansk skriuwer en biogemikus (* 1920)
• 1998 - Tammy Wynette, Amerikaansk countrysjongster (* 1942)
• 2000 - Piet Hendriks, Nederlânsk akteur en kabaretier (* 1918)
• 2005 - prins Rainier III fan Monako (* 1923)
• 2008 - Mathieu Sprengers, Nederlânsk fuotbalbestjoerder (* 1938)
• 2015 - James Best, Amerikaansk akteur (* 1926)
• 2019 - Gerrit Stulp, Frysk organist, dirigint en komponist (* 1935)