19 febrewaris is de 50e dei fan it jier op de Gregoriaanske kalinder. Der folgje noch 315 dagen oan 'e ein fan it jier ta (yn in skrikkeljier 316).

Foarfallen

• 197 - Keizer Septimius Sevearus ferslacht syn rivaal Klodius Albinus by Lugdunum yn ien fan de grutste fjildslaggen út 'e skiednis fan it Romeinske Ryk. Teffens it grutste treffen fan 'e Romeinske boargeroarloch fan 193-197.
• 1674 - Ingelân en Nederlân tekenje de Frede fan Westminster. In ûnderdiel dan dizze oerienkomst is dat de koloanje Nij-Amsterdam ûnder ingelsk gesach. Se werneame it New York.
• 1928 - Sluting fan de Olympyske Winterspullen yn Sankt Moritz, Switserlân.
• 1937 - Keninginne Wilhelmina ûndertekenet in Keninklik Beslút wêryn stiet dat read, wyt en blau de kleuren fan de flagge fan it Keninkryk fan de Nederlannen binne.
• 1946 - Earste útstjoering fan it AVRO-radioprogramma Arbeidsvitaminen.
• 1959 - It Feriene Keninkryk jout Syprus har ûnôfhinklikheid.
• 1984 - Sluting fan de Olympyske Winterspullen yn Sarajewo.
• 1986 - De Sovjetuny lansearret it Mir romtestasjon.
• 1997 - Ierdbeving fan 3,4 op de Skaal fan Richter by Roswinkel yn Drinte

Berne

• 1473 - Nicolaus Copernicus, Poalsk wiskundige, dokter, jurist en astronoom († 1543)
• 1618 - Johannes Phocylides Holwarda, Frysk astronoom, dokter en filosoof († 1651)
• 1769 - Dirk Ploegsma, Frysk keunstkilder († 1791)
• 1800 - Jevgeni Baratynski, Russysk dichter († 1844)
• 1817 - kening Willem III fan de Nederlannen († 1890)
• 1858 - Charles Eastman, Amerikaansk histoarikus en skriuwer († 1939)
• 1861 - Steffen Bartstra, Frysk skriuwer en predikant († 1945)
• 1894 - Meinoud Rost van Tonningen, Nederlânsk politikus en kollaborateur († 1945)
• 1904 - Havank (Hans van der Kallen), Frysk skriuwer († 1964)
• 1917 - Annie de Reuver, Nederlânsk sjongster († 2016)
• 1923 - Feite Faber, Frysk boargemaster († 2010)
• 1928 - Jacob Noordmans, Frysk sjoernalist en âld-haadredakteur fan de Ljouwerter Krante († 2017)
• 1934 - Arnold Heertje, Nederlânsk ekonoom en heechlearaar († 2020)
• 1935 - Alexandra Terlouw-Van Hulst, Nederlânsk skriuwster en oersetster († 2017)
• 1938 - Berber van der Geest, Frysk dichteresse en skriuwster († 2019)
• 1939 - Roel Slofstra, Frysk trûbadoer
• 1949 - Grietine Molenbuur, Frysk turnster, dûnseresse en goreografe
• 1950 - Aus Greidanus sr., Nederlânsk akteur
• 1958 - Helen Fielding, Ingelsk skriuwster
• 1971 - Jeff Kinney, Amerikaansk skriuwer
• 1985 - Arielle Kebbel, Amerikaansk aktrise en model
• 1989 - Preeti en Priya Young, Britske neakenmodellen (twilling)

Ferstoarn

• 197 - keizer Klodius Albinus fan it Romeinske Ryk (* ±140-150)
• 1620 - Roemer Visscher, Nederlânsk skriuwer (* 1547)
• 1670 - kening Freark III fan Denemark (* 1609)
• 1806 - Douwe Egberts, Frysk ûndernimmer (* 1755)
• 1837 - Georg Büchner, Dútsk skriuwer (* 1813)
• 1887 - Multatuli (Eduard Douwes Dekker), Nederlânsk skriuwer (* 1820)
• 1951 - André Gide, Frânsk skriuwer (* 1869)
• 1952 - Knut Hamsun, Noarsk skriuwer (* 1859)
• 1990 - Pieter Wijbenga, Frysk sjoernalist en fersetsstrider (* 1912)
• 1994 - Renske Vellinga, Frysk hurdrydster (* 1974)
• 1999 - Klaas Hospes, Frysk kabaretier (* 1922)
• 2010 - Hendrik "Bull" Verweij, Nederlânsk ûndernimmer, mei-oprjochter Veronica (* 1909)
• 2012 - Rienk Alberda, Frysk wedstriidsiler (* 1941)
• 2016 - Umberto Eco, Italjaansk skriuwer en filosoof (* 1932)
• 2020 - Jos van Kemenade Nederlânsk politikus, heechlearaar en bestjoerder (* 1937)
• 2020 - Jens Nygaard Knudsen, Deensk boartersguodûntwerper (* 1942)
• 2022 - Kakuichi Mimura, Japansk fuotballer (* 1931)
• 2023 - Greg Foster, Amerikaansk atleet (* 1958)