Prime vuere mondiâl

La prime vuere mondiâl (cognossude ancje come la grande vuere) e fo une vuere che si davuelzè principalmentri in Europe tra il 1914 e il 1918, provocant milions di muarts e cambiaments grandonons pe situazion politiche mondiâl.


Icono de esbozo
Icono de esbozo
Cheste vôs al è un aboç, che al è stât juste scomençât e al conten dome pocjis informazions.
Se tu puedis, zonte alc cumò e judinus a fâle deventâ simpri miôr seguint lis convenzions de Vichipedie. Par vê une liste complete des vôs in cheste condizion, cjale la rispetive categorie. Graciis di cûr!
I stâts de Europe te vuere: i aleâts a son chei verts, lis potencis centrâls chei marons e i neutrâi chei grîs

Lis fuarcis aleadis (Ream Unît, France, Russie e plui tart Italie e Stâts Unîts di Americhe) e sconfizerin lis potencis centrâls (Austrie-Ongjarie, Gjermanie, Bulgarie e Imperi Otoman).

Gran part dai combatiments de Prime Vuere Mondiâl a forin sul Front Ocidentâl, jenfri di un sisteme di fortificazions e trinceis che a lavin dal mâr dal Nord fintremai i confins de Svuizare. Chest sisteme in scjale plui piçule e fo aplicât ancje sul front talian, mancul intal front orientâl, dulà che i spazis a jerin plui grancj, cun planis e pocjis feradis. Altris combatiments a si davuelzerin sul mâr e sot di lui, e ancje, pe prime volte te storie, par aiar. Plui di nûf milions di soldâts a muririn insieme cun tancj altris civîi.

La vuere e causà la disintegrazion di cuatri imperis: chel Asburgjic, chel todesc, chel rus e chel otoman. La Gjermanie e pierdè ducj lis colonis, e a nasserin gnûfs stâts come la Cecoslovachie e la Jugoslavie, e altris a forin tornâts a creâ (Polonie).

La grande vuere e fo une roture decisive cul vieri ordin dal mont, vignût fûr da lis vueris napoleonichis e che al jere stât un pôc modificât des rivoluzions nazionalistic de metât dal XIX secul.

Il motîf scatenant de vuere e fo la coparie dal Arciduche d'Austrie Francesc Ferdinant a Sarajevo, in Bosgne, ai 28 di Jugn 1914 di bande di un iredentist serp, Gavrilo Princip.

Lis causis


La grande vuere in Friûl

La grande vuere in Friûl e à vût un rûl une vore impuartant; sedi parcè che propite te nestre tiere a combaterin talians di une bande e austro-ongjarês di chê altre, sedi parcè chè di fat dome cun la fin dal conflit la piçule patrie e tornà a jessi unide sot il Rean di Italie.

Cul començament de vuere, il 24 di Mai dal 1915 Udin e deventà la sede dal comant suprem dal esercit talian

Cronologie

1915

  • 24 di Mai Sul Colovrat, dongje Drencje al mûr il prin soldât talian de vuere; al jere un furlan di Udin, Riccardo di Giusto dall'8° reziment alpins

1916

1917

1918

La grande vuere in Italie

La Italie e jentrà in vuere insieme cun i Aleâts cuintri da l'Austrie-Ongjarie ai 24 di Mai dal 1915 par liberâ lis citâts talianis di Trent, Triest e la Vignesie Julie che ancjemò a jerin sot da l'Austrie-Ongjarie, ma che a jerin dal pont di viste lenghistic, storic e culturâl leadis al Italie; un altri fin al jere chel di espandi l'imperialisim talian su dut il Mediterani tacant dal Adriatic e dai Balcans. La vuere e terminà par l'Italie ai 4 di Novembar Italie 1918, Une dì prime Triest e fo tornade a unî a la Maripatrie. Daspò di cheste vuere il Friûl orientâl che fin ta chel moment a si cjatave "Di là dal Clap", al fo riunît al Friûl udinês.

Soldâts inglês intune trincee
Soldâts inglês intune trincee
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.