Jainisim
Il Jainisim e je une religjon nassude tal VI secul prime di Crist come riforme dal Induisim. La peraule Jainisim e ven dal sanscrit Jina (vitoriôs)
![](../I/Palitana.jpg.webp)
![](../I/Ranakpur-Adinath-Jaintempel-12-Suedseite-Skulptur-2018-gje.jpg.webp)
E à cirche sîs milions di fedêi sore dut in Indie, cu 'nt une gruesse influence in ducj i cjamps massim in chel culturâl.
Al è interessant notâ che Ghandi al veve des simpatiis par cheste religjon e al doprà la no violence e il fâ ats bogns te so filosofie di vite.
Concezions
Lis principalis concezions dal Jainisim a son l’ahimsa (la no violence) e il karma.
L'univiers al ven crodût eterni, ven a stâi che nol è mai stât creât, ma che al passe in une schirie cence fin di stadis.
Chel atuâl al sarès un cicli di declin e il seguitîf al sarà di rinassite.
La realtât e je fate di doi principis eternis, il Jiva (il spirit) e il Ajiva (il no spirit, la materie).
Cualsisei contat fra chescj doi principis al origjine la soference dal spirit. Lis buinis azions e l’assetisim a fasin in mût che un al vedi un karma plui lizêr e te reincjarnazion dopo la muart al varà un Jiva plui alt. Se si rivarà a vê un Jiva libar dal Ajiva al finirà il cicli des reincjarnazions e de soference.
Il Jainisim al à patît dai periodis di persecuzions sei dai musulmans sei dai bramins indians.