Astronomie

La astronomie e je la sience che e studie i ogjets dal cîl e i fenomens che a sucedin fûr de atmosfere de tiere. I astronoms si interessin a lis stelis, ai planets, a lis cometis, a cemût che al è fat l'univiers, cemût che al è nassût e cemût che al larà a finì.

Nebulose M17: fotografade dal Telescopi spaziâl Hubble

La astronomie e studie dut chest doprant il metodi sientific e no va confondude cu la astrologjie che e crôt di cjatà tal cîl l’oracul par capì il destin dai oms.