Zulu (Spriik)
Det Zulu Spriik (üüb Zulu: isiZulu) as en spriik, wat tu det Nguni skööl faan Bantuspriiken hiart. Det as at spriik faan det Zulu an wurt uun Süüdaafrika, Simbabwe, Lesotho, Malaawi, Mosambik an Eswatini snaaket. A miasten spreegern faan't spriik wene uun't uasten faan Süüdaafrika, fööraal uun det KwaZulu-Natal Prowins. Det hee 11.587.374 spreegern uun Süüdaafrika (2011)[1].
 Tekst üüb Fering |
Gramatiik
Det Zulu Spriik, üüs öler bantuspriiken, hee klasen faan prefiksen. En mensk, wat tu det Zulu folk hiart as UmZulu (en wurd, wat tu de iarst klas hiart). At muartaal diarfaan as AmaZulu (en wurd, wat tu de seekst klas hiart). At lun, huar a Zulu wene, as KwaZulu an at spriik as IsiZulu.
| Klas | Prefiks | Bispal |
|---|---|---|
| 1 | um(u)- | umuntu mensk |
| 2 | aba-, abe- | abantu mensken |
| 1a | u- | ubaba man aatj |
| 2a | o- | obaba min aatjen |
| 3 | um(u)- | umlenze bian |
| 4 | imi- | imilenze bian (muartaal) |
| 5 | i-, ili- | iqanda ai |
| 6 | ama- | amaqanda aier |
| 7 | isi- | isicebi riken mensk |
| 8 | izi- | izicebi rik mensken |
| 9 | in- | inja hünj |
| 10 | izin- | izinja hünjer |
| 11 | u-, ulu- | uphaphe feeler |
| 14 | ubu- | ubuhlalu parel of parler |
| 15 | uku- | ukukhanya laacht |
| 17 | uku- | ukwindla harewst |
Luke uk diar
- Nguni Spriiken: Nuurd-Ndebele, Süüd-Ndebele, Swaasi, Xhosa, Zulu.
- Amtelk spriiken faan Süüdaafrika: Afrikaans, Ingels, Nuurd-Sotho, Sotho, Süüd-Ndebele, Swaasi, Tsonga, Tswana, Venda, Xhosa, Zulu.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.