Wonter
A wonter as det kulst juarstidj faan at juar. Hat komt efter harewst an föör wos. Uun det meteoroloogisk juar wooret wonter faan Deetsember tu Febrewoore uun a nuurdhualewkuugel an faan Jüüne tu August uun a süüdhualewkuugel.
 Tekst üüb Fering |
Wonter faan Arcimboldo
At wurd wonter komt faan Ualgermaans *wintruz (Ualfresk: winter).
A Wonter uun Musiik
De italjeens komponist Antonio Vivaldi stääld a wonter uun sin werk Dön Fjauer Juarstidjen diar:
Spreegwurden auer a Wonter
- Alerhiligen sat a wonter üüb a wiligen.
- Blaft 'ar en liap de wonter auer, do teft hat üüb en lik.
- Diar hiart en stringen wonter tu, iar en wulew de öler uuntingt.
- Efter laachtems jaft at leewen noch en klünj wonter.
- En fleeg, diar de wonter auer uun dörnsk leewin blaft, bringt lok.
- Flä a gräges ääder efter't nuurden, do as a wonter bal föörbi.
- Ian kriik (ruk) maaget noch neen wonter.
- Kem a gräges ääder üüb en harrewstem, do jaft at ääder wonter.
- Krep a wörmer jip iin uun a grünj, do fu wi en harden wonter.
- Mist hee wonter (uastwinj) uun a kist.
- Snä ütj süüdwaast jaft wonter ütj nuurduast.
- Wan a daar began tu lingen, begant a wonter tu stringen (saat a wonter det üüb twingen).
- Wan a wilj swaanen tu üs kem, fu wi en stringen an uunhualenen wonter.
- Wan ale poten an poonen fol san, komt a wonter[1].
Luke uk diar
Kwelen
- Faltings, V. an Jannen R. (2012), "En ai as en ai", saad a prääster ... : Fering-Öömrang Spreegwurdleksikon / Föhring-Amringer Sprichwörterlexikon, s. 275.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.