Weestsiie
Di Weestsiie (Nordsiie, ö-f. Nuurdsia) as en siie foon di Atlantische Oseåån. Uner di Weestsiie san grut reserwen foon gas än ööle tu finen. Da lönje trinam di Weestsiie heewe ark unernaamenge wat daheere ööle än gasreserwen üt di boum hååle. Di Weestsiie as uk bekånd um häiringe, siihüne, ferschilie föögle än poorne.
Önj e Weestsiie laawe häiringe.
 Täkst aw mooringer frasch |
Di Weestsiie wårt begränsed foon:
- Norwegen önjt norden,
- Dåt Feriind Kiningrik önjt weesten,
- Frånkrik, Bälgien än dåt Aingelsch Kanool önjt sööden,
- Da frasche gebiite foon da Nederlönje än Tjüschlönj önjt sööden än ååsten,
- Dånmark än dåt Skagerrak önjt ååsten,
Noome
Önj et dånsch än önjt nordfriisk wårt Weestsiie brükt. Oudere spräke brüke mååstens Nordsiie, dåt üt üüljfrasch perspektiiwe önjtstiinjen as.
Önj e röömisch tid wus di noome Mare Frisucum, önj e klassisch tid wus dåt Oceanum Germanicum unti Mare Germanicum.
Katastroofen
- Di Grute Storm foon 1287 heet jü form foon di söödlik siikånt feranerd. Deerdöör as jü ferbining ma di Söödersiie (diling Iselsiie) önj da Neederlönje önjtstiinjen.
- Grute Mandränke foon 1362, weerbai önj da frasche gebiite amenbai 50.000 mansche stärwe.
- Di Stormflodj foon di 11. oktoober 1634 rungeniirt 21 schörktoorpe aw Strönj, weerbai 6123 mansche stärwe.
- Katastroofe foon 1953 önj e neederlönjsch prowins Siielönj weerbai 1.835 mansche stärwe.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.