Ukraine

A Ukraine [ukraˈiːnə] (of uk [uˈkraɪ̯nə]) (ukrainisk Україна/Ukrajina) as en lun uun Uasteuroopa. Uun't nuurduasten leit Ruslun, Witjruslun uun't nuurden, Poolen, Slowakei an Ungarn uun't waasten, Rumeenien an Moldaawien uun't süüdwaasten an at Suart Sia an at Sia faan Asow uun't süüden. Det hoodstääd het Kiew. Bääft Ruslun as a Ukraine det öödergratst lun uun Euroopa.

Tekst üüb Öömrang


Україна
Ukrajina
Ukraine
Flagge der Ukraine
Flagge der Ukraine
Wappen der Ukraine
Wappen der Ukraine
Flag Woopen
Amtelk spriak Ukrainisk
Hoodstääd Kiew
Stootsfurem Hualewpresidiaal republiik
Stootsbaas President Wolodymyr Selenskyj
Regiarangsbaas Ministerpresident Denys Schmyhal
Grate 603.700 km²
Iinwenern 45.665.281 (1. Oktuuber 2011)
Iinwenern per km² 78 Iinw./km²
BIP nominaal (2007)[1] 179.725 Mio. US$ (46.)
BIP per iinwener 2.542 US$ (101.)
HDI 0,796 (85.)[2]
Münt 1 Hrywnja = 100 Kopeeken
1 € = 38,91 UAH
1 UAH = 0,03 €
(Stant: 23. Febrewoore 2023)
Suwereniteet 24. August 1991 (faan a Sowjetunion)
Natsionaalhümne Schtsche ne wmerla Ukrajiny (Ще не вмерла України)
Natsionaalfeierdai 24. August
Tidjsoon UTC+2 / UTC+3 (März-Oktober)
Autokääntiaken UA
TLD .ua
Tilefoonföörwool +380

Iindialang

A Ukraine hää 27 ferwaltangsianhaiden:

  1. Oblast Tscherkasy
  2. Oblast Tschernihiw
  3. Oblast Tscherniwtsi
  4. Oblast Dnipropetrowsk
  5. Oblast Donetsk
  6. Oblast Iwano-Frankiwsk
  7. Oblast Charkiw
  8. Oblast Cherson
  9. Oblast Chmelnytskyj
  10. Oblast Kirowohrad
  11. Oblast Kiew
  12. Stääd Kiew
  13. Autonoom Republiik Krim
  14. Oblast Luhansk
  15. Oblast Lwiw
  16. Oblast Mykolajiw
  17. Oblast Odessa
  18. Oblast Poltawa
  19. Oblast Riwne
  20. Oblast Sumy
  21. Oblast Ternopil
  22. Oblast Winnytsja
  23. Oblast Wolhynien
  24. Oblast Transkarpatien
  25. Oblast Saporischschja
  26. Stääd Sewastopol
  27. Oblast Schytomyr

Histoore

At lun wiar faan 1922 tu 1991 üs det Ukrainisk SSR ian faan a republiiken uun't Sowjetunioon. Hat wurd de 24. August 1991 suwereen.

Bit 2004 wurd det lun faan Wiktor Janukowytsch feerd, di widjer tu Ruslun hääl. Do as Wiktor Juschtschenko weelet wurden, di oober nian stabiil regiarang apbau küd. 2013 jääw't en bludagen apstant uun Kiew jin't koruptsioon uun't lun, an 2014 kaam en nei regiarang oner Petro Poroschenko, diar ham muar faan Ruslun ufliase wul. Diar üüb hen hää Ruslun a Krim besaat, an uun a uastelk prowinsen Luhansjk an Donetsjk auernaam Ruslun-frinjelk separatisten at määcht. Am diar weder frees iin tu bringen, as det Ufkemen faan Minsk beslööden wurden, man det hää ei rocht loket.

A rüsk president Putin käänt det suwereniteet faan a Ukraine ei uun an feert sant a 24. Febrewoore 2022 en kriich jin't lun.

Luke uk diar
Commons Commonskategorii: Ukraine – Saamlang faan bilen of filmer
Wikiatlas Wikimedia Atlas: Ukraine – Geograafisk an histoorisk koorden

Futnuuten
  1. International Monetary Fund, World Economic Outlook Database, April 2008
  2. Human Development Index

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.