Uastslaawisk Spriiken
Dön Uastslaawisk Spriiken san een faan dön trii twiichen faan dön Slaawisk Spriiken, wat tu dön Indogermaans hiar. Jo wurd faan amanbi 224 miljuunen lidj üüs mamenspriik snaaket.
 Tekst üüb Fering |
Tu det uastslaawisk spriikfamilje san:
- Rüs
- Ukrainisk
- Witjrüs
- Karpaato-Rusiins an Batschka-Rusiins (det letst wurt uk üüs en waastslaawisk spriik sen)
- Waastpolesisk
an uk histoorisk spriiken:
- Ual-Uastslaawisk †
- Ual-Nowgorod Spriikwiis †
- Ual-Ruteens †
Markmoolen faan dön uastslaawisk spriiken
- Uurslaawisk *or, *ol, *er, *el twesken konsonanten san üüs oro, olo, ere, olo fertreeden; tu bispal: uurslaawisk *morzъ froost as üüb rüs an ukrainisk моро́з moróz an üüb witjrüs маро́з maróz; an uurslaawisk *melko moolk as üüb rüs an ukrainisk молоко́ molokó, üüb witjrüs малако́ malakó.
- Uurslawisch *tj an *dj san üüs č an ž fertreeden; tu bispal: uurslaawisk *světja laacht as üüb rüs an witjrüs свеча́ svečá an üüb ukrainisk свіча́ svičá; an uurslaawisk *medja gredstripel as üüb rüs an ukrainisk межа́ mežá an üüb witjrüs мяжа́ mjažá.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.