Tswana (Spriik)

Det Tswana Spriik (üüb Tswana: Setswana [sɪˈtswa.na]) as ian faan dön Bantuspriiken. At wurt faan amanbi 4,1 miljuunen lidj üüs mamenspriik snaaket, uun Botsuana, Süüdaafrika, Simbabwe an Namiibia. At spriik hee 4.067.248 spreegern in Süüdaafrika (2011)[1].

Tekst üüb Fering


Spriikwiisen

At spriik hee tretanj spriikwiisen: Hurutshe, Kgatla, Kwena, Lete, Ngwaketse, Ngwato, Rolong, Tawana, Tlharo, Tlhaping, Tlharo, Fokeng an Tlokwa.

Gramatiik

Det Tswana Spriik, üüs öler bantuspriiken, hee klasen faan prefiksen. En mensk, diar tu det Tswana fulk hiart of faan Botsuana as, as en Motswana (en wurd, wat tu de iarst klas hiart). At muartaal faan Motswana as Batswana (en wurd, tu de naist klas hiart). A nööm faan't lun, Botswana, hiart tu de fjauertanjst klas. A nööm faan't spriik as Setswana.

  • klas 1-2: motho (muartaal batho) mensk
  • klas 5-6: lee (muartaal mae) ai
  • klas 7-8: seledu (muartaal diledu) kan of biard
  • klas 9-10: ntša (muartaal dintša) hünj
  • klas 11: loleme (muartaal dileme) tong
  • klas 14: bojalwa biar
  • klas 15: legwafa (muartaal magwafa) aakselkölk

Kwelen
  1. Statistics South Africa (2011), Census 2011: Census in Brief, s. 26

Luke uk diar
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.