Transformaator

Det iingungspuul hää 1000 amdreiangen, det ütjgungspuul hää 50 amdreiangen. Wan diar nü 240 Volt [V] bi't iingungspuul uunlei, kem diar 240 : 1000 * 50 = 12 Volt bi det ütjgungspuul uun. Ideaalerwiis gongt det reegnang algemian:

${\displaystyle {\frac {U_{2}}{U_{1}}}={\frac {N_{2}}{N_{1}}}}$   of   ${\displaystyle U_{2}={\frac {N_{2}}{N_{1}}}\cdot U_{1}}$.

U₁ as det iingungspäänang, U₂ det ütjgungspäänang, N₁ san a amdreiangen fan det iingungspuul, N₂ faan det ütjgungspuul.

Späänangen faan 12 Volt of noch maner wurd flooksis uun a hüshual brükt, diaram werke letj elektroaperooten miast mä en traafo.

Di iingungstruum lääpt troch det baner spuul mä fiin wiir an föl amdreiangen. Di ütjgungstruum as föl starker an brükt grööwer wiiren, amdat det spuul ei trochbraant.

Di struum ${\displaystyle I}$ (meeden uun Ampere [A]) ferhäält ham amkiard tu a späänangen:

${\displaystyle I_{2}={\frac {N_{1}}{N_{2}}}\cdot I_{1}}$.

Di efekt ${\displaystyle P}$ (meeden uun Watt [W]) blaft konstant:

${\displaystyle P=U_{1}\cdot I_{1}=U_{2}\cdot I_{2}}$

Bi en 120-Watt 20:1 traafo (bispal boowen) lääpt uun det iingungspuul bi 240 V en struum faan ~ 0,5 A. Bi det ütjgungspuul lääpt oner 12 V oober en struum faan ~ 10 A. Diaram skal det ütjgungspuul bi't deeltransformiarin föl starker wiiren haa.

 Commonskategorii: Transformatooren – Saamlang faan bilen of filmer

Wikibooks: Transformaator (sjiisk)

• 
  Traafo faan en elektroiisenboon
• 
  Traafo för en 9V elektroaperoot
• 
  Traafostatjuun