Tesla Inc.

Tesla, Inc. (bit tö di 1. Febriwaari 2017 Tesla Motors) es en amerikaansk Firma, wat Elektroautos, Bateriien (Sa üs di Tesla Powerwall) en Solaarönlaagen becht en forkoopet. Üs di Sen fan di Firma uur "dit Önsküüwen fan di Aurgang tö fuarhualing Energii" nēmt.[2]

Söl'ring


Tesla Inc.
Logo
Logo
Rochtsforem Incorporated (Aktienselskep)
Grünjliar 1. Juuli 2003
Hüüsing Palo Alto
Ferianagt StootenFerianagt Stooten Ferianagt Stooten
Fööringskontoor

Elon Musk (CEO)
Robyn Denholm (Chairman)

Aarberers

48 016 (2019)[1]

Jil / Jaar 24,6 Mrd. US-Dollar (2019)[1]
Branche Autoindustrii,Solaarindustrii, Baaterii-Industrii
Weebsir www.tesla.com

Noom

Di Noom kumt fan Nikola Tesla, diar noch fan Kroatien kām. Di Rochten fuar di Noom skül em jest fan di Tesla a. s. ön Tschechien fo. Sent 2010 sen di Rochten fuar di Noom aurleten. [3]

Elektroautos

Roadster

Dit jest Auto, wat ön Seerie becht waar, wiar di Tesla Roadster. Dit wiar uk di jest elektrisk Seerienwain üp Wārel. Di Roadster waar fan 2008 bist 2012 becht.

Roadster 2020

2017 waar di Prototyp fan en nii Roadster fuarstelt, wat aur 400 km/h laap skel. Me ombi 200 kWh Batteriikapatsiteet skel di Laapwai aur 1.000 km wiis.
Di Sküüvtir fan 0 üp 97 km/h (0 bit 60 Miilen) skel 1,9 Sekunden wiis, fan 0 üp 160 km/h skel dit 4,2 Sekunden waari. Diaraur wiar dit dit wakerst Seerienauto, wat jens becht uuren es.

Model S

Bit deling (2020) lapt dit Model S. Fuarstelt waar dit al 2009, üp Straat es dit sent Juuli 2012 önerwai.
Dit Model S es di jest ain Produktsjoon fan Tesla.

Di Luksuswain me aartig Damp ön di Maskiin ken me Öndreft aur Achterweelen of ali fjuur Weelen koopet uur, Da jeft et jit en "Performance"-Model, wat dit Auto fan 0 üp 100 km/h ön 2,7 Sekunden sküüv ken.

Model X

Muar Plaats üs dit Model S man likert fuar't Miist di salev Technik heer dit Model X. Fuarstelt waar des al 2012, üp Straat kām dit 2015.
Dit Model X kumt me en Jungensbaank achtern iin ön di Wain üp bit tö 7 Plaatsen. Di Achterdüüren jit "Falcon wings", aurdat jaa elektrisk naa boowen swing en diarbi hualev töhopklapet uur.

Model 3

Ön di Marts 2016 waar dit Model 3 skul jest Model E jit, man fuar des Noom heer Ford di Rochten āpskriiv leten. Sa waar diarfan dit Model 3. Sent Juuli 2017 uur des Wain becht.
Dit Model 3 es 28 cm kuurter üs dit Model S en uur me tau Bateriien önböören: 50 kWh fuar ombi 215 Miilen of ~350km en 75 kWh fuar 310 Miilen / ombi 500 km.

Model Y

Sa üs dit Model X eeđer dit Model S kām, kumt nü dit Model Y eeđer dit Model 3. Dit heer muar Plaats en skel fuar Dütsklön iin ön di nii "Gigafactory" ön Berliin-Branenborig becht uur.
Dit Model Y es di jest Wain, hur Tesla en Wāremkerpomp iinbecht.

Futnooten
  1. Annual report on Form 10-K 2019 Tesla Inc.. Uun: U.S. Securities and Exchange Commission. Ufrepen di 14. Febrewoore 2020.
  2. Über Tesla | Tesla Deutschland. Ofröpen di 28. Nofember 2017.
  3. Tesla resolves nagging trademark dispute. marketwatch.com, 2. Deetsember 2010, ofröpen di 24. August 2015 (ingelsk).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.