Mooring
Mooring as en nordfraschen spräkewise, wat snååked wårt önjt gebiit foon e Risem Måår (5a/5b). Deer kamt uk e noome foon. Et Mooring hiirt tut Böökinghiirder Frasch (5), wat ån foon e tiin hoodspräkewise foont Nordfriisk as. Ourdåt et Mooring nuch sü maning spreegere heet, wårt oofting ma jü betiikning "Mooring" dåt hiil Böökinghiirder Frasch benåmd, wat ouers eentlik ai rucht as.
 Täkst aw mooringer frasch |
Wise
Mooring heet twäär wise: Ååstermooring önj Risem-Lonham än Weestermooring önj Naibel:
| Üüljfrasch | Ååstermooring | Weestermooring | Hoolmer Frasch | Hoorninger Frasch |
|---|---|---|---|---|
| licht | lacht | lächt | lacht | lacht |
| hengst | haingst | hängst | hängst | hängst |
| plōch | plöif | plouf | plouch | plouch |
| wike | waag | wääg | wääg | wääch |
Uk önj Doogebel än Foortuft (weer Böökinghiirder Frasch snååked wårt) seede manschne sam uurde ouers. Önj Doogebel tu'n baispal seede manschne bäige än kääme önj stää for Weestermooring bäge än kaame. Önj da biise toorpe seede manschne ik bän än dat önj stää for ik ban än dåt[1].
Kiik uk deer
- Frasch baidrääge aw Tjabelstünj
- Spräkekurs EduNordfriisk foon't NFI
- Nais foon Diling for nais aw Mooring
- Online ouerseeter for mooring
- Frasch gramatik
- Doogblinge Spräkewise
Kwäle
- Steensen, Thomas: „Die Friesen und die nordfriesische Sprache.“ Önj: Neue Beiträge zur Germanistik. Jaapaanisch ütjeeft foon Doitsu Bungaku. Ütjääwen foon dåt Jaapaanisch Seelschap for Germanistik, Biinj 13, Häft 2 (2014), s. 77.
Naie baidreeginge aw mooring
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.