Missale Slesvicense

At Missale Slesvicense (eegentelk Missale secundum ordinarium ecclesie Slesvicense) as en buk faan di bukdruker Steffen Arndes uun Lübeck. Hat kaam 1486 uun Schleswig ütj an as det ööder buk, diar auerhood uun Denemark drükt wurden as, an det iarst buk, diar uun Schleswig-Holstian drükt wurd.

Tekst üüb Öömrang


Iarst sidj faan't Missale

Auer det buk

Faan't Missale Slesvicense san 300 stak drükt wurden, an diar jaft at daalang noch sjauer faan. Hat as en buk för't katuulsk hööw, an diar san beeden, salmen an teksten uun. Det buk as 35,6 x 23,8 cm grat an hää 265 bleeden.

Tau buken lei uun't bibleteek faan a däänsk könang/in uun Kopenhuuwen, ian as uun't bibleteek faan't Sloot Gottorf, an det sjuard hää prääster Erich Pörksen 1935 uun en ual skaab üüb Oomram fünjen.[1] Uun a juaren 2000 bit 2002 as det buk apwerket wurden[2] an leit nü uun't archiif faan a hööw uun Kiel. Hat woort dan an wan uk ans üüb Oomram ütjsteld.

Literatuur
  • Dieter Lohmeier, Gert Wilhelm Trube, Michael Brüchmann, Annette Göhres, Anke Metz: Missale Slesvicense 1486. Ein Meisterwerk des Frühdruckers Steffen Arndes. Schleswig-Holsteinische Landesbibliothek, Kiel 2001, ISBN 978-3-9806013-4-4

Luke uk diar

Futnuuten
  1. http://www.jostjahn.de/altes-pastorat-amrum/ , ufrepen di 31. August 2009
  2. Beracht faan di restauraator. Archiwiaret faan det originool di 29. Jüüne 2012. Ufrepen di 11. Jüüne 2015.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.