Luari
Luari es en Aart en fo Metali töhop. En Legiaring fan Luar en Sink uur üs Luarten nomen.
Di Legiaringen sen forskelig eeđer dit wat em diarme luari wel. Bi Luar-Ten tört di Temperatuuren ek olter hoog wiis.
Dat dit aural henlapt, diarfuar es aaft en Laapmerel diarbenen, man bi Luaristangen skel em dit diartö koopi en fuarof ön sin Luarstair pensli.
Dit Giraat fuar "wuk" tö luari es dit Luariirsen.
 Söl'ring |
Hat jeft uk jit dit Hartluarin, diar uur Meesingluar fuar nomen. Diarfuar es muar Wāremker nöörig, dit giar bluat me Gas en Süüerstof diartö. Weelen wiar jerer bluats en sen deling jit aaft hartluaret.
Forskelig Luartechnik
Elektrisk Luariirsen
En iinfachi Luariirsen kostet ek fuul en uur me sin 15 Watt uk fuar delings Luarten me mener Luar diarbenen wārem inoch. Em skel man hol 5 Minüten teef bit dat dit wārem inoch es.
Wakerer giar dit me en Iirsen fan 30 of 60 Watt. Somtirs sen des Giraaten man en bet gurt fuar di Aarber, en da ken dit litjer Iirsen beeter pasi.
Mal waker sen Luarpistoolen me ombi 100 Watt, man des uur lecht jens tö swaar en nem uk muar Plaats üs en iinfach Luariirsen.
Luarstatsjoonen ken em aaftinoch āp en dial raili. Di Station nemt uk dit Iirsen āp, dat em en bet mener üppasi tört. Luarstatsjoonen jeft et fan mal iinfach bit āpskailig jüür.
Aaftinoch sen des Giraaten sa nögen om Stroom, dat em jam önerwai me en litj Powerstatsjoon forsörigi ken.
Litj Luariirsen me Hualer
Luarstatsjoon
En "Trēr Hun" ken Gul wert wiis.
Brenern fuar wuk Luar
Hat jeft Gaspatroonen me iinfach Brenern diarön, hür em uk en Kööperfiting me en Röör töhopluari ken. Di Forskel es aaftinoch bluat weđer dit en Piezo-Tjener heer of ek. Di Piezo-Tjener smit en Nist iin ön di Gas-Stroom, dat di öntjent uur.
Acetyleen-Süerstof
Sok Brenern uur uk wārem inoch fuar Meesingluar, en hoken fuul Kööperröören luari skel, di nemt uk en gurter Brener me Gasborelern en debelt Ventiil, wan dit wuk Luarten es.