Liknang

En liknang uun a matematiik as en ütjsaag diarauer, dat tau termen likedenang san. Det tiaken diarför as det liknangstiaken („=“) .

${\displaystyle T_{1}=T_{2}}$

Tekst üüb Öömrang

Det äälst liknang, so üs wi det daalang kään faan 1557:
„14x + 15 = 71“

Diarbi as di term ${\displaystyle T_{1}}$ di lachter ääg an ${\displaystyle T_{2}}$ di rochter ääg faan't liknang.

Wan tumanst ään faan jo termen faan en wariaabel ufhinget (miast "x" näämd), do as det liknang en ütjsaagfurem. Det koon en woor of en ferkiard ütjsaag wees; det hinget diarfaan uf, hün taal för "x" iinsaat woort.

Wan det iinsaat taal tu en woor ütjsaag feert, do as det ütjsaagfurem liaset. Det taal as do det liasang.

Wan diar tau of muar liknangen san, do as det en liknangsüsteem. Det liasang skal aal a liknangen tu en woor ütjsaag maage.

Mä det süstemaatisk liasin faan liknangen befaadet ham a skuulmatematiik faan't 7. skuuljuar uun.