Kontinentaalplaad
At bütjer skel faan a eerd as at lithosphäre (stianskel), an diaroner as leewent. An diaram feranert ham det stianskel, hat bräächt ütjenööder üs isskosen. Detdiar feranrang het tektoonik an jo skosen het kontinentaalplaaden.
 Tekst üüb Öömrang |
A 15 grater kontinentaalplaaden
Steeden mä eerdbeewrin
Grat plaaden
Diar san sööwen:
- Afrikoonsk plaad
- Antarktis-plaad
- Euraasisk plaad
- Indo-Austraalisk plaad
- Nuurdameerikoo-plaad
- Pasiifik-plaad
- Süüdameerikoo-plaad
Madelgrat plaaden
Diar san aacht:
- Araabisk plaad
- Kariibisk plaad
- Cocos-plaad
- Indisk plaad
- Juan de Fuca-plaad
- Nazca-plaad
- Filipiinen-plaad
- Scotia-plaad
Letj plaaden
An do san diar noch son 50 letjer plaaden, huar a wedenskapslidj ei gans ians auer san.
Tektoonik
Oner a kontinentaalplaaden (lithosphäre, "stianskel") as at asthenosphäre ("wok skel"). Det as hiat an suragt diarför, dat at lithosphäre ütjenööderrewen of tuuppuid woort. Diar kön do wulkaaner apstiig, diar materiool faan't asthenosphäre efter boowen bring, an diar komt det uk tu't eerdbeewrin.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.