Kariiben

Kariiben het a ual iinwenern faan Süüd- an Madel-Ameerikoo. Tesken at 8. an 15. juarhunert waanert a Kariiben uun det regiuun iin, diar leederhen faan a Spoonsken at Kariibik näämd wurden as. Of a ual Kariiben würelk minskenfreedern wiar, witj am ei so nau. Det woort oober leewen noch ferteld.

Tekst üüb Öömrang

Di nööm faan a Kariiben komt faan en fulk, diar daaalang noch uun't süüden faan a Kariibik uun Weenesuela, Guyana, Suurinam an Nuurdbrasiilien lewet. Hör aanj nööm as Kalihna of Galibi. Hör spriak hiart tu at kariibisk spriakfamile.

Kariiben-jongen uun en saarep uun Suurinam.

Üüb a ööder sidj woort di nööm Kariiben oober uk brükt för det fulk, diar a Spoonsken uun't madelääler üüb a Letj Antilen fünjen haa, a Eiluns-Kariiben. Jo snaaket oober en hialandaal ööder spriak, diar tu at Arawak spriakenfamile täält. Daalang lewe man noch 3.500 Eiluns-Kariiben üüb det kariibisk eilun faan Domiinika. Hör spriak jaft at sant 1920 ei muar.

Enkelt Eiluns-Kariiben haa jo mä slaawen faan Afrikoo fermisket. Sodenang jaft at daalang uk "Suart Kariiben", diar üüb't madel- an süüd-ameerikoonsk fäästlun lewe, a Garifuna. An jo snaake daalang noch det Arawak-spriak Igneri.