Juar

At (Juliaans) juar as en miat för't tidj an düüret akeroot 365,25 daar. Det krüm taal komt diarfaan, dat wi trii juar loong mä 365 daar reegne, an do ian juar mä 366 daar. Det as en skregeljuar.

Tekst üüb Öömrang

Füsikaalisk ianhaid
Nööm	(Juliaans) juar
Ianhaidentiaken	$\mathrm {a,a_{jul.},y,y_{jul.}}$
Füsikaalisk grate	Tidj
Formeltiaken	$t$
Dimension	${\mathsf {T}}$
Uun SI-ianhaiden	$\mathrm {1\,y=31\,557\,600\;s}$
Näämd efter	Julius Cäsar
Hinget tuup mä	Juliaans kalender

Tidjrümer

Juartjiint. Det as en tidjrüm faan 10 juaren an woort faan di 1. Janewoore efter en tjiiner-juar, t.b. 1971 bit tu di 31. Detsember faan't naist tjiiner-juar reegent, det wiar do 1980. Wan am faan a "sööwentager juaren" snaaket, ment am oober miast a juaren, diar mä 197.. began, det ment faan 1970 bit 1979.

Juarhunert. Diar as miast en tidjrüm faan di 1. Janewoore efter en hunerter-juar (t.b. 1801) bit tu di 31. Detsember faan't naist hunerter-juar (t.b. 1900) mä mend. Detdiar juarhunert as do det 19. juarhunert.

Juardüüsen. Det lääpt jüst so mä düüsener-juaren, t.b. faan di 1. Janewoore 1001 bit tu di 31. Detsember 2000. Det as do det 2. juardüüsen efter Krast.

Juarmiljuun. Son tidjrüm woort t.b. uun a geologii brükt. Ian juarmiljuun woort Ma (faan Mega-annum) ufkört.

Kalendern

Kalendern


Gregoriaans kalender	2024 MMXXIV
Ab urbe condita	2777
Armeensk kalender	1473 ԹՎ ՌՆՀԳ
Schineesk kalender	4720 – 4721 庚卯 – 辛辰
Etiopisk kalender	2016 –2017
Hebreewsk kalender	5784 – 5785
Hindukalendern
- Vikram Samvat	2079 – 2080
- Shaka Samvat	1946 – 1947
Iraans kalender	1402 –1403
Islaamisk kalender	1446 –1446

At juar spelet en grat rol bi kalendern. Wi racht üs efter di Gregoriaans kalender an haa nü det juar 2024 efter Krast.

Ööder brük

Uun a astronomii woort det juar ööders fäästlaanj: Ian juar as am, wan a eerd ham iansis am a san dreid hää. An det düüret ei akeroot 365,25 daar, det san 365,2421 daar. Am dat üs kalender nü ei ferkiard gongt, fäält leewen efter 100 (kalender)juaren, diar jo ei troch 400 dial läät, at skregeljuar ütj, naist tooch uun't juar 2100.

En skuuljuar düüret ei akeroot ian juar an begant uk ei di 1. Janewoore. Det woort faan't amt fäästlaanj an begant miast aanj August an lääpt bit began Jüüle amanbi.

At hööwjuar begant mä a 1. Advent.

At leewentsjuar begant mä a gebursdai an woort miast arke juar feiert.

Spreegwurden

Det juar hää manang daar an noch muar mialtidjen[1]
Drüg juaren san nian hongerjuaren[1]

Luke uk diar

Futnuuten

Volkert Faltings an Reinhard Jannen: Fering-Öömrang Spreegwurdleksikon, Hüsem 2012

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[spreegwurd-1] Volkert Faltings an Reinhard Jannen: Fering-Öömrang Spreegwurdleksikon, Hüsem 2012