Hiaskrüüs
At Hiaskrüüs (Calluna vulgaris) as en plaant uun det famile faan a hiasplaanten (Ericaceae). Hat as di iansagst slach uun det skööl Calluna.
 Tekst üüb Öömrang |
| Hiaskrüüs | ||||||||||||
|---|---|---|---|---|---|---|---|---|---|---|---|---|
Hiaskrüüs (Calluna vulgaris) | ||||||||||||
| Süstemaatik | ||||||||||||
| ||||||||||||
| Wedenskapelk nööm faan't Skööl | ||||||||||||
| Calluna | ||||||||||||
| Salisb. | ||||||||||||
| Wedenskapelk nööm faan a Slach | ||||||||||||
| Calluna vulgaris | ||||||||||||
| (L.) Hull |
Beskriiwang
Di imergreen strük wääkst man suutjis an koon sowat 40 juar ual wurd. Hi koon bit 100 cm huuch wurd, as oober miast letjer. At hiaskrüüs bleut uun a leed somer bit iin uun a harewst. A enkelt bloosen san man 4 mm grat. Föl flenerken an ööder insekten surge för a fermuarang. At siad woort faan a winj widjer draanj.
Föörkemen
Uun a natüür komt at hiaskrüüs uun Madel- an Nuurdeuroopa föör. Uun't uasten bit Waastsibiirien. Tu Kanada an Nuurdameerikoo as't mä iinwaanerern faan Skotlun kimen.
At hiaskrüüs brükt föl laacht an en sunagen grünj. Hat wääkst üüb a hias, uun muuren an uun dünem. Uun a berger wääkst hat bit tu'n hööchde faan 2700 m.
Nat
- At hiaskrüüs as leewentsrüm för föl raar flenerken.
- Am brükt jo strüker üs frast faan en raidsaag.
- Mä det krüüs san iar beesmer bünjen wurden, diarfaan komt uk di huuchsjiisk nööm: Besenheide.
