Guinea-Bissau

Guinea-Bissau [ɡiˈneːa bɪˈsaʊ̯], amtelk Republiik faan Guinea-Bissau (üüb Portugiisk: Guiné-Bissau [ɡiˈnɛ biˈsau] an República da Guiné-Bissau [ʁeˈpublikɐ dɐ ɡiˈnɛ biˈsaw]) as en stoot uun a waast faan Aafrika. Uun a nuurd leit Seenegal, uun a uast an süüd Guinea. At lun hee 1.520.830 lidj (2009)[1]. At hoodsteed as Bissau.

Tekst üüb Fering


Flag faan Guinea-Bissau
Guinea-Bissau uun Aafrika

Geografii
Guinea-Bissau (Guinea-Bissau)
Guinea-Bissau (Guinea-Bissau)
Madina do Boé
Madina do Boé
Madina do Boé
Bijagós-Eilunen

Geograafisk Laag

Guinea-Bissau leit twesken 12° 41' an 10° 52' (faan a nuurd tu a süüd) an 16° 42' an 13° 40' (faan a waast tu a uast). At lun as tjiinsis letjer üüs Tjiisklun.

At lun dialt grensen mä tau lunen. Det lingst grens (421 km) faan Guinea-Bissau wurt mä Guinea an det kurtst (341 km) mä Seenegal diald.

Struumer

Struumer uun Guinea-Bissau san: de Cacheu Struum, de Geba Struum an de Corubal Struum.

Steeden

Dön tjiin gratst steeden uun't lun san:

#SteedLidj (2009)[2]
1Bissau387.909
2Gabú43.556
3Bafatá29.556
4Canchungo12.044
5Bissorã9898
6Bula9010
7Farim9005
8Mansôa8313
9Ingoré8107
10Buba7898

Indialing faan Ferwalting

Guinea Bissau hee 9 regiuunen.

Regiuun Grate (km²) Lidj (2009) Hoodsteed Koord
1 Bafatá 5.981,1 210.007 Bafatá
2 Biombo 838,8 97.120 Quinhámel
3 Bissau 77,5 387.909 Bissau
4 Bolama 2.624,4 34.563 Bolama
5 Cacheu 5.174,9 192.508 Cacheu
6 Gabú 9.150,0 215.530 Gabú
7 Oio 5.403,4 224.644 Farim
8 Quinara 3.138,4 63.610 Buba
9 Tombali 3.376,5 94.939 Catió

Befölkring

Spriiken

Det amtelk spriik faan Guinea-Bissau as Portugiisk (wat faan 11% faan’t befölkring spreegen wurt) an 44% faan’t befölkring spreecht Guinea-Bissauisk Kreol.

Histoore

Uun't madeläälerns wiar at lun dial faan dön Maali an Kaabu riken. Portugiisk hanelsliidj baget 1588 uun Cacheu (en steed, wat uun nuurd faan’t lun leit) en faktorei, wat tu a hanel faan slaawen tiinet. Lääder wurd det hial lun en portugiisk kolonii. At lun wurd 10. September 1974 suwereen.

Politiik

Guinea-Bissau as en republik. A president faan't lun sant 2020 as Umaró Umbaló Sissoko.

Bütjenpolitiik

Guinea-Bissau as lasmoot faan at Gemianskap faan a Lunen faan det Portugiisk Spriik.

Wiartskap

At weering faan't lun as de waastaafrikoons CFA-Franc, wat faan det Waastaafrikoons Sentraalbeenk ütjbroocht wurt.

  1. www.citypopulation.de
  2. Guinea-Bissau, citypopulation.de
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.