Erongo

Erongo as en regiuun uun de aafrikoons stoot Namiibia. At regiuun leit uun a waast faan’t lun. Uun a nuurd leit det Kunene Regiuun, uun a nuurduast det Otjozondjupa Regiuun, uun a süüduast det Khomas Regiuun an uun a süüd det Hardap Regiuun. Det as efter de Erongo Berig neemd. Det hee 150.400 lidj (2011). At hoodsteed as Swakopmund.

Tekst üüb Fering


Erongo Regiuun uun Namiibia

Geografii

Det Erongo Regiuun as de seekstgratst regiuun uun Namiibia. At regiuun leit amanbi twesken 20° an 24° (faan a nuurd tu a süüd) an twesken 13° an 17° (faan a waast tu a uast). De Süüdelk Kiarkreis gungt troch a süüd faan at regiuun. A eeg faan't regiuun as amanbi 320 km lung.

Berger

De huuchst berig uun Namiibia, de Königstein, wat üüb a Brandberg as, leit uun a nuurdwaast faan't regiuun. Öler berger üüb a Brandberg san det Horn (2519 m) (de naisthuuchst berig) an det Numasfels (2518 m) (de traadhuuchst berig). Öler berger uun't regiuun san de Hohenstein (2319 m), Erongo Berig (2219 m), Omburg (2073 m), Otjipateraberg (1989 m), Witwatersberge (1861 m), Grootberg (1846 m) an Spitzkoppe (1728 m). Letjer berger san de Messum Kraater (726 m) an a Vogelfederberg (527 m).

Höölin

Nai bi de Erongo Berig lei tau höölin: det Paula Hööle an det Phillip Hööle.

Natschunaalparken

A süüd faan't regiuun as dial faan de Namiib-Naukluft Natschunaalpark. De Dorob Natschunaalpark lingt loongs a eeg faan de Ugab Struum hen tu a süüd faan de Kuiseb Struum.

Struumer

De Ugab Struum bildet dial faan't grens mä det Kunene Regiuun. De Omaruru Struum leept troch a nuurd iin uun't Atlantik tu a nuurd faan a Kap Farilhao. De Swakop Struum an de Kuiseb Struum luup troch a süüd iin uun de Walvis Bocht.

Indialing faan Ferwalting

At regiuun hee 7 woolkreiser:

WoolkreisGrateLidj[1]Hoodsteed
Arandis10.0939898Arandis
Dâures11.35017.752Uis
Karibib13.32012.785Karibib
Omaruru85778325Omaruru
Swakopmund44.725Swakopmund
Walvis Bay Lun913426.916Walvis Bay
Walvis Bay Steed1935.828Walvis Bay

Befölkring

Spriiken

Efter det 2011 folksteeling wurt det Ovambo Spriik uun 39 prosent faan hüshualer uun’t regiuun spreegen[2].

Ianselefterwisen
  1. Namibia Statistics Agency, Erongo 2011 Census Regional Profile.
  2. Namibia Statistics Agency, Namibia 2011 Population and Housing Census Indicators.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.