Erik I. (Schleswig)
Erik I. of Erik Abelsen (* ~1242; † 27. Mei 1272) wiar di naist dring faan Könang Abel faan Denemark an sin wüf Mechthild faan Holstian, doochter faan Groof Adolf IV. faan Schauenburg an Holstian. 1260 as Erik Hertooch faan Schleswig wurden.
 Tekst üüb Öömrang |
Erik I. fulagt san ääleren bruder Waldemar III. efter üs Hertooch faan Schleswig, üs di stürwen wiar. Erik I. wul oober, jüst so üs san bruder Könang faan Denemark wurd. Üüb a truun seed san unkel Christoph I.. Tidjwiis küd Erik I. san unkel loonsdialen ufnem, an küd sogoor san feter Erik V. (Denemark), di dring faan Christoph I., di sant 1259 salew Könang faan Denemark wiar, an sin tante, at könangsmam Margarete Sambiria fäästsaat. Margarete hed oober gud frinjer, an küd Erik I. tuleetst ütj at lun jaage.
Efterkemen
Erik I. freid 1260 Margarete faan Rügen (* 1247; † 1272), doochter faan Föörst Jaromar II. faan Rügen. Jo hed trii jongen:
- Margarete († efter 1313)
- ∞ (ünseeker) ~1285 Helmhold III., Groof faan Schwerin-Boizenburg († 1299)?
- Waldemar IV., Hertooch faan Schleswig (* ~1265, † 1312)
- Erik (Eriksen) „Lungbian“, ~1295 Her faan Langeland, (* 1272; † 1310) ∞ (1295) Sophie faan Querfurt-Rosenburg († 1325), doochter faan Burchard VII. faan Querfurt, näämd faan Rosenburg (1297), († efter 12. Nofember 1306) an Jutta faan Saksen (* föör 1226; † efter 1250).
1268 kääft Erik I. faan Bundo, baskoop faan Schleswig (1265–1282), († 1282), at borag Gottorf an begand, det tu en sloot amtubaun.
Luke uk diar
| Föörgunger | Amt | Efterfulger |
|---|---|---|
| Waldemar III. |  Hertooch faan Schleswig 1260–1272 | Waldemar IV. |