Dunsem/mo

Dunsem (ap Tjüsch än Dånsch: Dunsum) as en gemiine önj e Kris Nordfraschlönj. Et läit awt ailönj Fäär. Önjt norden än weesten läit e Nordsiie, önjt nordååsten e gemiine Olersem, önjt söödååsten Söleraanj (Sööderiinje) än önjt sööden Ödersem. Jü heet 74 inboogere (2016)[1]. E gemiine hiirt tu et Åmt Fäär-Oomram.

Täkst aw mooringer frasch


Dunsem önj e Kris Nordfraschlönj

Geografii

E gemiine läit önjt nordweesten foont ailönj Fäär. Et jeeft tou toorpe önj e gemiine: et toorp Grat Dunsem, wat önjt söödweesten läit änt toorp Letj Dunsem, wat önjt söödååsten läit. Grat Dunsem as aw e näide foon e küst än Letj Dunsem as amanbi 600 meetere önjt ååsten deerfoon. Da tou toorpe san maenouder foon e Dunsem Stich, en diilj foon e stroote trinam Fäär (aw Tjüsch "die Rundföhrstraße"), ferbünen.

Inboogere

Huum, wat foon Dunsem kamt, as aw Fering en dunsembüür (mörtål dunsembüüren). Dåt weesdringer Fering wårt önj Grat Dunsem än Letj Dunsem snååked.

Histoori

E gemiine wörd di 1. önj e Ismoune 2007 diilj foon dåt nai Åmt Fäär-Oomram. Tuforen wus e gemiine diilj foont Åmt Fäär-Lönj.

Politiik
Bürgermäistere
  • Arfst Christiansen (?-2013)
  • Erk Hemsen (sunt 2013)

Kwäle
  1. Nordfriesland, citypopulation.de
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.