Diftong

En Diftong (faan ualgreks δίς dís 'tweisis' an φθόγγος phthóngos 'tuun') as en dobeltuun faan tau ünlik wokaalen uun detsalew silew.

Tekst üüb Öömrang


Skriiwiisen för diftongen san ei, au, äu, eu, ai, oi, ui an öödern.

Diftongen kön:

  1. uffaal, sö üs uun klau, meew
  2. uunstiig, so üs uun lua, kui
  3. iintji, so üs uun hiar
  4. sweewe, so üs uun lui
  5. lung of kurt wees, so üs uun wai (lung) an wei (kurt)

Hiatus

Diftongen san wat ööders üs en Hiatus: Diar fulge uk tau wokaalen üübenööder, man jo wurd ei üs dobeltuun ütjspreegen. Tesken jo tau wokaalen as en onerbreegang (lat. hiatus).

Bispalen: ka'os, ru'iin, re'el, be'eemke

Triftongen

Bi en Triftong fulge trii wokaalen üübenööder. Diar jaft at ei föl bispalen faan:

  1. uffaalen: liaw, woort daalang uk liu ütjspreegen
  2. uunstiigen: spuai, woort daalang uk spui ütjspreegen

Luke uk diar
Commons Commonskategorii: IPA – Saamlang faan bilen of filmer
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.