Sjiisk Bundesdai
A Sjiisk Bundesdai as det parlament faan Sjiisklun. Hi woort direkt faan't fulk weelet. A Bundesdai weelet at regiarang. Diar wurd a gesetsen maaget.
 Tekst üüb Öömrang |
A Bundesdai sat uun a ual Reichstag uun Berlin
Wool
A Sjiisken weele mä tau stemen:
- Mä det iarst stem woort en kandidoot ütj di aanj woolkreis weelet. Hoker a miast stemen feit, sat seeker uun a Bundesdai. At jaft 299 woolkreiser (Stant:2021), an so sat diar 299 direkt weelet politikern.
- Mä det naist stem woort en partei weelet, an jo ööder 299 mandaaten wurd diarefter ferdiald, hüföl prosenten det enkelt partei uffüngen hää.
- Nü komt det oober flooksis föör, dat en partei muar iarst stemen füngen hää, üs ham efter a naist stemen eegentelk tustun. Jodiar auerhingin mandaaten wurd do weder ütjglikt mä ütjgliksmandaaten. Diaram sat diar muar üs 598 politikern uun't parlament; efter't Bundesdaiswool 2021 san't 736.
- Normoolerwiis skal arke partei tumanst 5% faan a stemen uffu, am iin uun't parlament tu kemen. Ian ütjnoom as a SSW, auer hi en manertaalpartei as. En ööder ütjnoom as en partei, diar tumanst trii direkt mandaaten wonen hää.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.